MINI FUTBOL BOʻYIChA SEKTORLAR KESIMIDA GʻOLIB JAMOALAR ANIQ BOʻLDI

Bugungi kunda mamlakatimizda aholi orasida sportni yanada ommalashtirishga qaratilgan davlat siyosati hayotga izchil tarzda tatbiq etilmoqda.

Mamlakatimizning barcha hududlaridagi qishloq va mahallalarda istiqomat qiluvchi yoshlar va oʻsmirlar orasida sogʻlom turmush tarzini shakllantirish, boʻsh vaqtlarini maqsadli va mazmunli oʻtkazishlariga erishish, ularga oʻz iqtidorlarini namoyish etishlariga sharoit yaratish maqsadida Oʻzbekiston Respublikasi Davlat xavfsizlik xizmati Raisi kubogi uchun futbol va mini futbol musobaqalarini oʻtkazish anʼanaga aylanib bormoqda.

Joriy yilda ushbu musobaqaga aprel oyining boshida start berilib, ovul va mahallalar futbol, mini futbol jamolari oʻzaro bellashuvga chiqdilar.

Ushbu nufuzli musobaqaning ochilish marosimi tumanimizda 5-aprel kuni Mangʻit shahrining Chordara mahallasidagi sunʼiy qoplamali mini futbol maydonchasida boʻlib oʻtgan edi. Unda tuman hokimi Sultonboy Yoʻldashev, sektorlar rahbarlari, Davlat xavfsizlik xizmati tuman boʻlimi boshligʻi Sultanmurat Jolimbetov va boshqada masʼullar, ovul va mahallalar yoshlari ishtirok etishib, tumanimiz rahbari mini futbol bilan shugʻullanuvchi yoshlarga ushbu nufuzli musobaqada muvaffaqiyatlar tilagan edi.

Oʻtgan kunlar mobaynida musobaqalar barcha sektorlar hududlaridagi ovul, mahalla, shaharchalar kesimida oʻtkazilib, gʻoliblar aniqlandi.

Musobaqalar 7-aprel  kuni Yangiobod mahallasi va Olmozor mahallasi hududidagi sunʼiy qoplamali mini futbol maydonlarida davom etirildi. Jumladan, Olmazor mahallasi hududidagi sunʼiy qoplamali mini futbol maydonchasida tumanimizdagi 1-sektorga qarashli mahallalar oʻrtasida musobaqalar oʻtkazildi. Musobaqalarga jami 120 nafar sportchi yoshlar qamrab olindi. Musobaqa yakunida Nazarxon ovuli jamoasi 1-oʻrinni egalladi va keyingi bosqichga yoʻllanmani qoʻlga kiritdi.

Shu kuni Yangiobod mahallasi hududida joylashgan Nukus davlat pedagogika instituti qoshidagi matematika faniga ixsoslashgan maktabning sunʼiy qoplamali mini futbol maydonida 2-sektorga qarashli mahallalar oʻrtasida mini futbol musobaqasi oʻtkazildi. Musobaqada jami 170 nafar yoshlar ishtirok etdi. Musobaqa yakunida Farovon mahallasi jamosi 1-oʻrinni egalladi va keyingi bosqichga yoʻllanmani qoʻlga kiritdi.

8-aprel kuni Doʻstlik mahallasi hududidagi mini futbol maydonchasida 3-sektorga qarashli mahallalar jamoalari oʻrtasida musobaqalar davom ettirildi. Musobaqalarga jami 120 nafar yoshlar qamrab olindi. Natijalarga koʻra, Kuyuk koʻpir ovuli jamoasi keyingi bosqichga yoʻllanmani qoʻlga kiritdi.

Shuningdek, 8-aprel kuni Yangiobod mahallasi hududida joylashgan Nukus davlat pedagogika instituti qoshidagi matematika faniga ixsoslashgan maktabning sunʼiy qoplamali mini futbol maydonida 4-sektorga qarashli mahallalar oʻrtasida mini futbol musobaqasi oʻtkazilib unda jami 80 nafar yoshlar oʻzaro kuch sinashdilar. Musobaqa yakunida Boʻston mahallasi jamoasi 1-oʻrinni egallab, keyingi bosqichda qatnashish huquqini qoʻlga kiritdi.

Endilikda sektorlar kesimida gʻolib boʻlgan 4 ta jamoa Oʻzbekiston Respublikasi Davlat xavfsizlik xizmati Raisi kubogi uchun oʻtkazilayotgan musobaqalarning tuman bosqichi gʻolibligi uchun oʻzaro kuch sinashadi.

Oygul RAJABOVA.