Barakali xirmon fasli
Sentyabr - barakali oy, barakali xirmon oyi. Tumanimiz paxtakorlarining soʻnggi besh yildan buyon paxta tayyorlash boʻyicha yillik shartnomaviy rejalarini sentyabr oyida muntazam ravishda bajarib kelayotganligi buning yaqqol isbotidir. Bu yil ham tumanimiz paxtakorlari mana shu anʼanaviy tashabbusni qoʻllarida mahkam tutib, paxtazorlarda yigʻim-terim ishlarini uyushqoqlik bilan olib bormoqdalar va terim surʼatiga surʼat qoʻshmoqdalar. Bunday gʻayrat-shijoat va joʻshqinlikni "Namuna" mahallasidagi fermer xoʻjaliklari misolida ham koʻrish mumkin. Ayniqsa paxta yigʻim-terimdagi gʻayrat-shijoat timsolini Jabborbergan Eshchonov boshqarayotgan "Shoʻrqalʼa" fermer xoʻjaligi misolida koʻrib taassurotlarimiz yanada boyidi.
- 100 gektar paxta maydonlarimiz bor. Barcha paxta maydonlarida moʻl hosil yetishtirildi. Paxta yigʻim-terim ishlarida har kuni 180-190 nafar terimchi faol qatnashib, terim surʼatiga surʼat qoʻshishmoqda. Eng ilgʻor terimchilardan Gulnora Sodiqova, Darigul Nurmetova, Hanifa Rajabova, Shirin Yusupova, Goʻzal Ollayorova, Bibirobiya Qurboniyozova, Mahbuba Sobirova, Qamajoy Jumagʻaliyeva va Sayyora Bekiyevalar kunigahar biri 120-130 kilogrammdan paxta termoqdalar. Aytaversak, bunday chaqqon qoʻlli ilgʻor terimchilarimiz juda koʻp, - deydi "Shoʻrqalʼa" fermer xoʻjaligi raisi, xalq deputatlari tuman Kengashi deputati Jabborbergan Eshchonov toʻlqinlanib.
Paxtakor terimchilar orasida paxta yigʻim-terim ishlari boʻyicha 253-otryad rahbari Gulmirza Bobojonovni ham uchratdik. U gʻoʻza paykallari oralab yurib terimchilarning paxta hosilini toza va chanoqlarda qoldirmasdan terishlarini nazorat qilayotgan ekan.
- Bizning asosiy vazifamiz mahalladagi mehnatga layoqatli aholi qatlamini paxta yigʻim-terimiga safarbar qilib, terim suʼratiga surʼat qoʻshishdir. Shuningdek, barcha terimchilarning unumli mehnat qilishlari uchun dala boshida qulayliklar va shart-sharoitlarni yaratib berish muhimdir. Terimchilarning mehnatlarini oʻz vaqtida baholab borish esa yanada ahamiyatlidir. Mana shu kabi dala-tashkiliy ishlarni oʻz oʻrniga qoʻyib, xirmonga baraka kiritmoqdamiz, - deydi 253-yigʻim-terim otryadi rahbari Gulmirza Bobojonov biz bilan suhbatda.
Suratda: Chapdan "Shoʻrqalʼa" fermer xoʻjaligi raisi Jabborbergan Eshchonov, ilgʻor terimchilar Mahbuba Sobirova, Sayyora Bekiyeva, Qamajoy Jumagʻaliyevalar va 253-paxta yigʻim-terim otryadi rahbari Gulmirza Bobojonovlar.
Qobul ShOMURODOV.
Muallif olgan surat.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
