XOTIN-QIZLAR TAZYIQ VA ZOʻRAVONLIKDAN HIMOYa QILINADI
Hozirgi kunda xotin-qizlarga nisbatan sodir qilinayotgan har xil koʻrinishdagi tazyiq va zoʻravonlikdan himoya qilish ustuvor masalalardan biriga aylanib, qonun darajasida kafolatlanmoqda. Oʻzbekiston Respublikasining 2019-yil 3-sentyabrdan kuchga kirgan “Xotin-qizlarni tazyiq va zoʻravonlikdan himoya qilish toʻgʻrisida”gi Qonuni buning yaqqol ifodasidir.
Tazyiq va zoʻravonlikdan jabrlanuvchi deganimizda – oʻziga nisbatan tazyiq va zoʻravonlik sodir etilishi tahdidi ostida boʻlgan yoki tazyiq va zoʻravonlik natijasida jabrlangan ayol jinsidagi shaxsni tushunamiz. Tazyiq va zoʻravonlikdan jabrlanuvchilar tegishli huquqlarga ega.
Bunday vaziyatda jabrlangan ayol oʻziga nisbatan tazyiq va zoʻravonlik sodir etilganligi yoki ularni sodir etish tahdidi toʻgʻrisidagi ariza bilan tegishli vakolatli organlarga hamda tashkilotlarga yoxud sudga murojaat etishi mumkin. Maxsus markazlarda, shuningdek, bepul telefon liniyasi orqali tekin huquqiy maslahat, iqtisodiy, ijtimoiy, psixologik, tibbiy va boshqa yordam olish, ichki ishlar organlariga himoya orderi berish toʻgʻrisidagi talab bilan murojaat qilish, himoya orderi shartlari buzilgan taqdirda esa ularni bu haqda xabardor qilish huquqiga ega.
Tazyiq va zoʻravonlikdan jabrlanuvchi yetkazilgan moddiy zararning oʻrnini qoplash hamda maʼnaviy ziyonni kompensatsiya qilish toʻgʻrisidagi ariza bilan sudga murojaat etganda davlat boji toʻlashdan ozod qilinadi.
Mahalla va oilani qoʻllab-quvvatlash vazirligi yordam koʻrsatish, maslahat berish mexanizmi hamda chora-tadbirlari, xotin-qizlarga nisbatan tazyiq va zoʻravonlik holatlarining oldini olish toʻgʻrisida axborot olishni taʼminlash maqsadida Oʻzbekiston Respublikasining butun hududida tun-u kun ishlaydigan, bepul telefon liniyasi tarmogʻi 1146 raqami ishlab turishini taʼminlaydi.
Xotin-qizlarni tazyiq va zoʻravonlikdan himoya qilish borasida amalga oshirilayotgan bu kabi ishlar ayol-qizlarning haq-huquqlari kafolatli himoya qilinishini taʼminlamoqda.
N.Jumaniyozova,
tuman Yuridik xizmat koʻrsatish markazi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
