AYoLNI EʼZOZLAŞ – BARÇAMIZNING BURÇIMIZ
Keyingi yillarda Özbekistonda barça sohalarda amalga oşirilayotgan yangi bosqiçdagi tub islohotlardan pirovard maqsad, eng avvalo, inson huquq va manfaatlarini töliq röyobga çiqarişdan iboratdir. Bu örinda xotin-qizlarning huquq va erkinliklarini himoya qiliş masalasiga ham alohida ahamiyat qaratib kelinmoqda.
Davlatimiz rahbari taşabbusi bilan mamlakatimizda xotin-qizlarning öz imkoniyatlarini tölaqonli röyobga çiqarişlari uçun barça şart-şaroitlarni taʼminlaş davlat siyosati darajasiga kötarildi. Özbekiston tarixida ilk bor 2019-yilda “Xotin-qizlar va erkaklar uçun teng huquq hamda imkoniyatlar kafolatlari töğrisida”gi va “Xotin-qizlarni tazyiq va zöravonlikdan himoya qiliş töğrisida”gi Qonunlar qabul qilindi. Uşbu qonun hujjatlari xotin-qizlarni turmuşda, iş joylarida, taʼlim muassasalarida va boşqa joylarda tazyiq va zöravonlikdan himoya qiliş sohasidagi munosabatlarni ham tartibga soladi. Tazyiq va zöravonlikni boşidan ötkazgan şaxslarni himoya qiliş, jamiyatda ayollarga nisbatan tazyiq va zöravonlikning har qanday şakliga murosasiz muhitni qaror toptirişga xizmat qiladi.
Yurtimizda, ayniqsa zörlik işlatişdan jabr körgan şaxslarni reabilitatsiya qiliş va moslaştiriş hamda öz joniga qasd qilişning oldini oliş respublika markazi negizida Mahalla va oilani qöllab-quvvatlaş vazirligi huzuridagi Ayollarni reabilitatsiya qiliş va moslaştiriş respublika markazi va uning hududiy bölimlari ham taşkil etilgani bu boradagi eʼtiborga loyiq işlardan biri böldi. Avvallari jamoatçilik asosida faoliyat yuritgan markaz tumanlararo muassasaga aylantirilganidan keyin davlat tomonidan moliyalaştirildi.
Ayni paytda Qoraqalpoğiston Respublikasi hududiy markazi va namunali tumanlararo markazlar faoliyat yuritmoqda. Respublikaning 4 ta tumani qamrab olingan markazdan biri Amudaryoda taşkil etilgan bölib, ayni paytda tazyiq va zöravonlikdan jabr körgan, öz joniga suiqasd qilgan yoki öz joniga qasd qilişga moyilligi bölgan xotin-qizlarga anonim tarzda şoşilinç tibbiy, psixologik, ijtimoiy, pedagogik, huquqiy va boşqa yordamlar körsatib kelinmoqda. Markazda har bir murojaatçi bilan jamoatçilik asosida faoliyat yuritayotgan psixolog Mavluda Törayeva induvidual şuğullanib, oğir holatlardagi xotin-qizlarni stressdan çiqariş borasida psixologik maşğulotlar ötaydi, foydali maslahatlar, tavsiyalar bermoqda.
Markaz faoliyatiga yuristlar, psixologlar va ijtimoiy xodimlar jamoatçilik asosida jalb qilingan. Şuningdek, bu yerda anonimlik, axborotning maxfiyligi, kasbiy mahorat va xavfsizlik tamoyillari asosida ham ayollarga ruhiy kömak berib kelinmoqda.
Ayollarni reabilitatsiya qiliş va moslaştiriş Qoraqalpoğiston Respublikasi tumanlararo markaziga joriy yilning ötgan 2 oyi davomida 37 nafar şaxsdan murojaat kelib tuşdi. Şundan 3 ta murojaat 1146 işonç telefoni orqali kelib tuşgan bölsa, 2020-yil davomida bu körsatkiç 42 tani, 2021-yil davomida esa 65 tani taşkil qilgan.
Ayollarga nisbatan tazyiq va zöravonlikning har qanday şakliga murosasiz munosabat muhitini qaror toptiriş borasida tizimli işlar davom ettirilmoqda.
Yurtboşimiz taʼkidlaganlaridek, “Ayol baxtli bölsa, jamiyat baxtli böladi”, degan ezgu qaraş hayotimiz qoidasiga aylanişi uçun barçamiz birgalikda harakat qilişimiz kerak. Çunki ayol nafaqat oilalar, balki butun yurt tayançi, fayzidir. Ularni eʼzozlaş barçamizning burçimiz.
Gavhar Çimbayçiyeva,
Ayollarni reabilitatsiya qiliş va moslaştiriş
Qoraqalpoğiston Respublikasi tumanlararo markazi direktori.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶