Baxtli qöşa-qariganlar
Xalqimizda yoşi uluğ insonlar yaşaydigan oilalarga hurmat va havas bilan qaraşdek yaxşi odat bor. Çunki nuroniy otaxonlar, onaxonlar yoş avlodga mehr-oqibatdan saboq berib, oilalarda totuvlik, jamiyatda barqarorlik muhitini mustahkamlaşga munosib hissa qöşayotir. Şu boisdan ham mamlakatimizda keksalarning hayot darajasi va sifatini yaxşilaş, ularni moddiy, maʼnaviy qöllab-quvvatlaş kölamini kengaytiriş, yoşi uluğ insonlarni eʼzozlaş milliy qadriyatlarimizdandir.
Tumanimizda ham köpçilikka örnak bölgulik ibratli hayot yölini bosib ötib, halol mehnati bilan obrö-eʼtibor qozongan, mahalladoşlari, qöni-qöşnilari hayoti ham tinç-osoyiştaligiga hissa qöşib kelayotgan namunali oilalar köp. Manğit şahrining Durunki mahallasida isiqomat qiluvçi Fayzulla Abdullayev va ayoli Töxtajon Abdullayevalar ana şunday elda hurmat qozonganlardan. Ularning bolaligi Ikkinçi jahon uruşi, uruşdan sönggi oğir tiklaniş yillariga töğri keldi. Yurtdoşlarimiz boşidan keçirgan qahatçilik, yöqçilik azobi zalvorini his qilib ulğayişdi, oğir kunlarda borini birga baham köradigan nekbin xalqimizning oliyhimmatligidan, döst-birodarligidan namuna olib ulğayişdi.
Hozir Fayzulla Abdullayev sakson yoşdan oşdi. Töxtajon ona esa saksonga yaqinlaşdi. Xuddi yangi oila qurayotganida keksalarning “baxtli böling, qöşa qaring”, degan tilaklari ijobat bölganday, ular pir-u badavlatlarga aylanişdi. Fayzulla ota tadbirkorlik faoliyati bilan şuğullanib, öz oilasining iqtisodini yuksaltiribgina qolmay, ehtiyojmand oilalarni ham qöllab-quvvatlab, qölidan kelgan yordamini ayamadi. Ularning totuv oilasida dunyoga kelgan ikki öğil, tört qiz ham esli-huşli, odobli, ilmli bölib, hayotda öz örinlarini topişdi.
Fayzulla ota, Töxtajon ona nevaralarining ham zamonaviy bilimlarni puxta egallaşlariga, oliygohlarda öqib, el koriga yaraydigan insonlar bölişiga alohida eʼtibor berişdi. Hozir barçasi turli sohalarda mehnat qilişadi.
Yaqinda ularning oila qurganiga 58-yil töldi. Şu munosabat bilan pir-u badavlat bu insonlarni qutlaş, quvonçiga şerik böliş, duolarini oliş uçun farzandlari, yaqinlari, qöni-qöşnilari, mahalla fuqarolar yiğini masʼullari taşrif buyurişdi.
Tökin dasturxon atrofida yuzlari nur taratib turgan nuroniylarni Durunki mahalla fuqarolar yiğini raisi Şuhrat Jumaniyozov, örinbosari Gavhar Mingboyevalar qizğin qutlab, sovğa-salomlar topşirdilar, mahallada mehr-oqibat, özaro hamdöstlik barqaror bölişiga, ehtiyojmand oilalarni qöllab-quvvatlab, yoş oilalarga öz hayotiy tajribalari asosida nasihatlar qilib, ijtimoiy muhit yaxşilanişiga öz munosib hissa qöşayotganliklarini eʼtirof etdilar.
Şu kuni Fayzulla ota, Töxtajon onaning xonadoni qutlab keluvçilar bilan nurafşon böldi, ezgu tilaklardan köngillari toğday yuksaldi. Ilohim, ularday bölib ahil yaşab, qöşa qarimoq baxti barçaga nasib qilsin!
Durunki mahallasida bunday ahil va uzoq yillar hamjihatlikda umrguzaronlik qilib, boşqalarga ibrat bölayotgan oilalar köp. Mahalla fuqarolar yiğini xodimlari ularning hayotiy tajribalarini tarğib etişga, umrboqiy urf-odatlarimiz, anʼanalarimizni yoşlar qalbiga singdirişga doir köpgina tadbirlar ötkazişmoqda.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶