Sobiq afğonçi jangçilar xotiralari tinçlikni asraşga çorlaydi
1979-1989-yillarda afğon tuproğida davom etgan özaro uruş-nizolarda sobiq ittifoq tarkibida bölgan respublikalarning harbiy xizmatçilari, askarlari ham iştirok etişib, misli körilmagan qiyinçiliklarni boşidan keçirişdi.
Amudaryo tumanida ham afğonçi jangçilar istiqomat qilişadi. Ular uçun 15-fevral sanasi hayotlaridagi eng unutilmas kunlarining biri. Bu bejiz emas: 1989-yilning 15-fevralida Sovet qöşinlari Afğoniston hududidan, yaʼni uruş maydonlaridan olib çiqilgan edi. Şu bois ular uşbu kunni har yili özgaça tadoriklar bilan qarşi olişadi, bir-birini yöqlab holidan xabar olişadi, uruş asoratlari tufayli soğliqlarida muammolari köp bölsa-da, soğ-omonliklari, bugungiday dorilomon kunlarda oilasi bağrida tinç yaşayotganlariga şukrona aytişadi.
Yaqinda Özbekiston Veteran, faxriy jangçilar va nogironlari birlaşmasi Qoraqalpoğiston bölimining Amudaryo tumanidagi vakili Bahodir Jumaniyozov rahbarligida bir guruh sobiq afğonçi döstlar Tölqin ovulida istiqomat qiluvçi Örozimbat Eşimbetovning xonadonida böldilar.
Örozimbat Eşimbetov 1985-yilning bahorida harbiy xizmatga çaqirildi. Turkmanistonning Mari viloyatida uç oy harbiy tayyorgarlik maşqlaridan söng, samolyotda Qobulga yetib borişgan. Uning qismiga Qobul-Jalolobod yölini qöriqlaş, şu yöl orqali sobiq Sovet ittifoqidan keladigan qurol-aslahalar, oziq-ovqat mahsulotlarini manzilga talafotsiz yetkaziş topşirilgandi.
Tabiiyki, ittifoq harbiylariga tiş, tirnoği bilan qarşi kuraşayotgan mahalliy jangarilar bunga yöl qöymaslikka urinişardi. Janglar esa talofatsiz bölmasdi. 1987-yil fevralida Örozimbet Eşimbetov navbatdagi yuk karvonini qöriqlab ketayotganda öng qöliga öq tegdi. Natijada 6 oy Qobul harbiy şifoxonasida, 1 oy Toşkentda, 1-yildan ziyod Moskvada davolandi, qayta-qayta jarrohlik amaliyotlarini boşidan keçirdi. Salkam uç yil deganda öng qölidan nogiron bölib, oilasi bağriga qaytdi.
Oilada tönğiç farzand bölgan Örozimbat aka nogironman demay, soğlom odam kabi intiluvçan, harakatçan böldi. Ijaraga yer olib, paxta dalasida ham işladi, onasiga suyanç bölib, ota örnida ukalarini, singillarini uyli-joyli qildi, hamqişloği, muallima Gulçehra Ollamberganova bilan oila qurib, ahil yaşab, farzandlarini komil insonlar qilib tarbiyalamoqda.
Sobiq afğonçi döstlarining taşrifidan Örozimbat akagina emas, onasi Örozgul momo, ayoli, farzandlari ham benihoya quvonişdi.
Şu kuni döstlar birgalaşib, şu ovulda istiqomat qiladigan yana bir qadrdonlari Maxsud Karimovnikiga ham taşrif buyurişdi.

Uzoq yillar turli idora-taşkilotlarda haydovçilik qilgan Maxsud aka turmuş örtoği, muallima Dilbar opa bilan birga tadbirkorlik faoliyatini ham yölga qöygan, yölovçi taşişga möljallangan xususiy avtobusi bor. Hovlisi atrofini boğ-roğga aylantirib qöyganidan ham köngli tölmay, öz ovuli va Oq oltin ovuli oraliğida Bosuv kanali yoqasida qarovsiz yotgan 2 gektarça yerni özlaştirib, dehqonçilik qilmoqda, mevali daraxtlar undirdi.
Quroldoş döstlar uning özlaştirib, buğdoy ekib qöygan yerini, yonidagi kiçik baliq hovuzini aylanib körişdi, işlariga muvaffaqiyatlar tiladi.
Şu kuni uning xonadoni hayotining eng zahmatli damlarini hamnafas ötkazgan sobiq quroldoşlari taşrifidan nurga töldi. Tökin-dasturxon atrofida miriqib suhbatlaşdilar, köngillarini yozdilar.
Tinçlik – bebaho neʼmat. Bu neʼmatning qadrini uluğ tutmoq, Örozimbat Eşimbetov, Maxsud Karimov kabi uruş dahşatlarini boşidan keçirganlar xotiralaridan xulosa çiqarmoq har birimizning burçimizdir.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶