2021-yil sarhisobi: AHOLI SALOMATLIGINI MUSTAHKAMLASh - BURChIMIZ

Ayni paytda tuman Tibbiyot birlashmasi tarkibida 36-oʻrinli xoʻjalik hisobidagi reabilitatsiya boʻlimi va 40-oʻrinli ShTYoB,  10 ta 1255 qatnov-quvvatga ega boʻlgan ambulatoriya-poliklinika muassasasi, 1 ta koʻp tarmoqli markaziy poliklinika, 7 ta Oilaviy poliklinika va 3 ta  Oilaviy shifokorlik punkti, 1 ta Sanitariya-epidemiologik osoyishtalik va jamoat salomatligi markazi faoliyat koʻrsatadi.

“103” tez tibbiy yordam xizmati markazida 4 ta brigada mavjud boʻlib, shundan 1 tasi reanimatsion brigada hisoblanadi va 11 ta shoxobchada xalqimizga namunali xizmat koʻrsatish yoʻlga qoʻyilgan. 2021-yil 11 oyi davomida aholidan 44470 ta murojaat kelib tushgan boʻlsa, 47252 nafar bemorga tez tibbiy yordam koʻrsatildi. Onalik va bolalikni muhofaza qilish yoʻnalishida voyaga yetmagan  bolalarni tibbiy koʻrikdan oʻtkazish uchun tor doiradagi mutaxassis shifokorlardan   iborat  4 ta  brigada  tuzildi va 2021-yilning  11 oyida jami 69967 nafar  bolalar tibbiy koʻrikdan oʻtkazildi. 33268 nafar bolalar turli yuqumli kasalliklarga qarshi emlandi.

2021-yilning 11 oyida hisobga olingan homiladorlardan 300 nafari Orolboʻyi Skrining markazi tekshiruvidan, 2646 nafar homilador ayol esa tuman perinatal xonasida koʻrikdan oʻtkazildi.

Rivojlanishida nuqsoni boʻlgan nogiron bolalardan 4 nafari Qoraqalpogʻiston Respublikasi reabilitatsiya markaziga yuborilib, sogʻlomlashtirish choralari koʻrildi, 8 nafar nogiron bolalarga protez-ortopediya vositalari berildi. Ijtimoiy himoyaga muhtoj nogiron bolalar tuman Tibbiyot birlashmasi tomonidan bepul dori-darmon vositalari bilan taʼminlanmokda.

Tumanda “Ayollar daftari”ga kiritilgan, tibbiy yordamga muhtoj ayollar soni 92 nafarni tashkil etib, ularga davo muolajalari oʻtkazilishi uchun “Ayollar daftari jamgʻarmasi” hisobidan 119 mln. 150 ming soʻm,  “Saxovat va koʻmak” jamgʻarmasi hisobidan 8 mln. 951 ming 875 soʻm, tuman Tibbiyot birlashmasi hisobidan 848,6 mln. soʻm mablagʻ ajratildi. Shuningdek, tumandagi 36157  ta xonadonda tibbiy xatlov oʻtkazildi va xatlovdan oʻtkazilgan aholi orasida aniqlangan turli xil surunkali kasalliklar boʻyicha muolaja choralari belgilandi.

Tumanimizda koronavirus kasalligiga qarshi jami 197138 (+450 Qurolli kuchlar uchun) doza vaktsina  olib kelindi va emlash ishlari amalga oshirildi.

Joriy yilda  15 yoshgacha boʻlgan 49378 nafar bolalar va homilador ayollarga 7 turdagi vitaminlar, bolalar uchun parazitar kasalliklarga qarshi dori vositalari bepul tarqatilmoqda.  Bu jarayon bilan 2021-yilda tumanimizda 60 ming nafar aholi qamrab olingan boʻlsa, 2022-yilda 80 ming nafar aholi qamrab olinishi koʻzda tutilgan.

Z.OʻROZBOYeV, tuman Tibbiyot birlashmasi boshligʻining

davolash ishlari boʻyicha oʻrinbosari.