AMUDARYoLIK YoSh TENNISChI QORAQALPOGʻISTON ChEMPIONATI GʻOLIBI BOʻLDI
36-sonli maktabning 9-sinf oʻquvchisi Behzod Otamurodov ustozlardan bilim sirlarini oʻrganish bilan birga sportning stol tennis turi bilan shugʻullanadi. Bolalikdan boshlab, tennisni mustaqil oʻrgangan yosh sportchi tumandagi Bolalar-oʻsmirlar sport maktabiga toʻgarakka qatnab, mohir murabbiylar koʻmagida mahoratini yanada oshirdi.
Mahoratli yosh tennischi Behzod turli musobaqalarda ishtirok etib, raqiblarni magʻlub qilishni oʻrgandi va koʻplab gʻalabalarni qoʻlga kiritib, murabbiylarning ishonchini qozondi.
10-13-noyabr kunlari Qonlikoʻl tumanida Qoraqalpogʻiston Respublikasi turizm va sport bosh boshqarmasi tomonidan sportning stol tennis turi boʻyicha 15 yosh va undan kichik yoshdagi sportchilar oʻrtasida Qoraqalpogʻiston chempionati tashkil etildi. Ushbu Chempionatda tengdoshlari bilan kuch sinashgan Behzod Otamurodov faxrli 1-oʻrinni egallashga muvaffaq boʻldi.
Stol tennis boʻyicha Qoraqalpogʻiston chempionati gʻolibi boʻlgan amudaryolik Behzod Otamurodovga oltin medal, diplom va chempionatning Oʻzbekiston bosqichiga yoʻllanma berildi.
O.Xudoyberganova, 36-sonli maktabning ijodiy-madaniy masalalar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
