Oʻzbekiston Respublikasida sinov tariqasida aholini roʻyxatga olish boshlanishiga bir xaftadan kam vaqt qoldi

Oʻzbekiston Respublikasi Vazirlar Mahkamasining 2020-yil 11-noyabrdagi "Oʻzbekiston Respublikasida 2023-yilda aholini roʻyxatga olishga tayyorgarlik koʻrish va uni oʻtkazish chora-tadbirlari toʻgʻrisida"gi 710-son qaroriga asosan. Joriy yilning noyabr oyida Oʻzbekiston Respublikasida aholini sinov tariqasida roʻyxatga olish tadbiri oʻtkaziladi. Yaʼni 2021-yil 2021-yil 1-25-noyabr kunlari Andijon viloyatining Xoʻjaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanida amalga oshirilishi belgilangan.

Sinov tariqasida roʻyxatga olishning aniq payti 2021-yil 1-noyabr soat 00:00 etib belgilanadi. 2021-yil 1-noyabr soat 00.00 dan keyin sodir boʻlgan demografik holatlar natijalari roʻyxatga olish varagʻi shakllariga kiritilmaydi. Yaʼni 2021-yil 1-noyabrdan keyin tugʻilgan bolalar uchun roʻyxatga olish varagʻi shakllari va boshqa roʻyxatga olish hujjatlari toʻldirilmaydi, biroq ushbu sanadan keyin vafot etgan shaxslar uchun toʻldiriladi. Bunda vafot etgan shaxs toʻgʻrisidagi maʼlumotlar uning oila aʼzolari yoki mahalla idorasidagi mavjud maʼlumotlar asosida toʻldiriladi.

Sinov tariqasidagi aholini roʻyxatga olish quyidagi muddatlarda oʻtkaziladi:

1 — 5-noyabr kunlari — internet tarmogʻi orqali aholini roʻyxatga olish (5 kun);

6 — 10-noyabr kunlari — internet tarmogʻi orqali roʻyxatdan oʻtgan respondentlar va ularning uy manzillari roʻyxatini shakllantirish (5 kun);

11 — 22-noyabr kunlari — aholini roʻyxatga olish varagʻi shakllari asosida uyma-uy yurgan holda aholini roʻyxatga olish (12 kun, fuqarolik-huquqiy tusdagi shartnomaga asosan);

23 — 25-noyabr kunlari — har bir hisob uchastkasidagi uy-joy manzillarining 10 foizini tanlanma ravishda nazorat kuzatuvi asosida oʻrganish (3 kun).

Hamza Haytimbetov, Amudaryo tumani Statistika boʻlimi boshligʻi.