Qoraqalpogʻiston Respublikasi Mahalla va oilani qoʻllab-quvvatlash vaziri Sagʻindiq Turmanov ishtirokida sayyor qabul boʻlib oʻtdi

Mamlakatimizda Prezident tashabbusi bilan hududlarda mutasaddi rahbarlarning aholi qiynab kelayotgan muammolar bilan ishlar, murojaatlardagi masalalarni joylarga chiqib oʻrganish hamda ularni ijobiy hal etish tizimi yangi bosqichga koʻtarildi.

Butun mamalakatimiz boʻylab joylarda turli darajadagi rahbarlarning aholi bilan ochiq muloqotlari, sayyor qabullar tashkil etilib, insonlarning muammolari oʻrganilmoqda hamda ularni bartaraf qilish choralari koʻrilmoqda.

Joriy yilning 15-oktyabr sanasida Amudaryo tumanidagi Daryo boʻyi mahallasi 21-sonli Bolalar musiqa va sanʼat maktabida respublika mutasaddi rahbarlari ishtirokida aholi murojaatlarini oʻrganish hamda ularni ijobiy hal etishga amaliy yordam berish maqsadida sayyor qabul oʻtkazildi.

Sayyor qabulda Qoraqalpogʻiston Respublikasi Mahalla va oilani qoʻllab-quvvatlash vaziri Sagʻindiq Turmanov, vazirning birinchi oʻrinbosari Maryam Ahmedova, tuman hokimi Sultonboy Yoʻldashev, tumanimizdagi sektorlar rahbarlari, korxona-tashkilotlar masʼullari hamda aholi vakillari ishtirok etdilar.

Qabul jarayonida Qoraqalpogʻiston Respublikasi Mahalla va oilani qoʻllab-quvvatlash vaziri Sagʻindiq Turmanov soʻzga chiqib, bugungi kunda mamalakatimizda barcha sohalarda amalga oshirilayotgan islohotlar tub negizida inson manfaatlari yotgani, aholini uzoq yillar mobaynida qiynab kelayotgan muammolarni joylarga chiqib oʻrganish hamda ularga barham berish borasida davlatimiz rahbari tomonidan yangi ustuvor vazifalar belgilab berilgani hamda ularning ijrosini taʼminlashga alohida eʼtibor qaratilayotgani xususida soʻz yuritdi.

Taʼkidlash kerakki, Prezident Shavkat Mirziyoyevning «Insonlarning dardu tashvishlarini oʻylab yashash – odamiylikning eng oliy mezonidir», «Xalq davlat idoralariga emas, davlat idoralari xalqimizga xizmat qilishi kerak», «Xalqimiz oʻz hayotida ijobiy oʻzgarishlarni ertaga emas, uzoq kelajakda emas, aynan bugun koʻrishi kerak» kabi el-yurtimiz qalbi va ongidan chuqur joy olgan soʻzlari bugun mamlakatimizda barcha soha va tarmoqlarda amalga oshirilayotgan tub oʻzgarish va islohotlarni harakatlantiruvchi qudratli kuchga aylandi.

Sayyor qabul jarayonida aholi vakillarining turli mazmundagi  muammoli masalalari yuzasidan 25 ga yaqin murojaatlari qabul qilindi. Murojaatlardagi masalalar asosan, ijtimoiy va moddiy yordam olish, tadbirkorlik faoliyati bilan shugʻullanish uchun kredit olishda amaliy yordam soʻrash, bandigini taʼminlash, elektr taʼminotidagi muammolarni hal etishda, obodonlashtirish va ichki yullarni taʼmirlash masalalarida, amaliy yordam soʻrash mazmunida boʻldi. Qator masalalar sayyor qabul jarayonining oʻzida ijobiy yechimini topdi. 

Qoraqalpogʻiston Respublikasi Mahalla va oilani qoʻllab-quvvatlash vaziri Sagʻindiq Turmanov muddat talab etadigan murojaatlardagi masalalarni ijobiy hal etish yuzasidan tegishli masʼullarga topshiriqlar berib, aholi muammolari bilan ishlashda samarali tizim hisoblangan “mahallabay” ishlash, ayniqsa, “Temir daftar”, “Ayollar daftari” va “Yoshlar daftari”ga kiritilgan oilalar, fuqarolar bilan manzilli va, albatta, natijali ishlash boʻyicha masʼullarga tegishli topshiriqlar hamda tavsiyalar berdi.

Sayyor qabul yakunlanganidan soʻng mutasaddi rahbarlar tumanimiz yoshlari yoshlar bilan ochiq muloqot oʻtkazdilar hamda ularning muammolarini oʻrgandilar. Uchrashuvda tumandagi faol yoshlar, uyushmagan yoshlar hamda “Yoshlar daftari”ga kiritilgan yoshlar ishtirok etib, turli yoʻnalishlar boʻyicha muammoli masalalar yuzasidan murojaat qildilar. Ochiq muloqot tarzida oʻtkazilgan uchrashuvda yoshlar tomonidan 9 ta murojaatlar kelib tushdi. Ularning aksariyati shu yerning oʻzida ijobiy hal etilib, muddat talab etadigan murojaatlar yuzasidan tegishli tashkilotlar masʼullariga topshiriqlar berildi.

Tuman hokimligining Axborot xizmati.