SUDLARDA SODDALAShTIRILGAN ISh YuRITISh TARTIBI JORIY ETILADI
Oʻzbekiston Respublikasining 2021-yil 16-sentyabrdagi "Sudga murojaat qilish uchun yanada qulay sharoitlar yaratilishi va fuqarolik protsessiga soddalashtirilgan ish yuritish tartibi joriy etilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi OʻRQ-716-sonli qonuni qabul qilindi. Ushbu Qonun joriy yilning 17-sentyabr kunidan boshlab qonuniy kuchga kirdi.
Mazkur Qonun bilan sud hujjati ustidan shikoyat qilish jarayonidagi ayrim byurokratik toʻsiqlarni bartaraf etish maqsadida Jinoyat-protsessual, Fuqarolik protsessual, Iqtisodiy protsessual kodekslar, Maʼmuriy javobgarlik toʻgʻrisidagi va Maʼmuriy sud ishlarini yuritish toʻgʻrisidagi kodekslarga oʻzgartirishlar kiritildi. Ushbu oʻzgartirishlarga muvofiq bahosi katta boʻlmagan daʼvolarni sudya tomonidan yakka tartibda, sud muhokamasini oʻtkazmasdan, taraflarni chaqirmasdan, ular tomonidan takdim etilgan hujjatlarda bayon qilingan tushuntirishlarni, eʼtirozlarni yoki vajlarni tekshirishni belgilovchi soddalashtirilgan tartibda ish yuritish mexanizmi joriy qilindi. Soddalashtirilgan ish yuritish tartibida koʻrib chiqilayotgan ish arizani ish yuritishga qabul qilish va ish qoʻzgʻatish haqida ajrim chiqarilgan kundan eʼtiboran 20 kundan oshmagan muddatda sud muhokama oʻtkazmasdan, taraflarni chaqirtirmasdan va ularning tushuntirishlarini eshitmasdan koʻrib chiqadi. Endilikda shikoyatlarga hamda sud hujjatini yangi ochilgan holatlar boʻyicha qayta koʻrish toʻgʻrisidagi arizalarga ish boʻyicha qabul qilingan sud qarorlarining tasdiqlangan koʻchirma nusxalarini ilova qilish talabi amaldan chiqariladi.
Mazkur Qonunda muhim vazifalar oʻz aksini topgan. Ularning amaliyotda joriy etilishi sohada qulayliklarni yaratish bilan birga, xodimlar faoliyatini toʻgʻri baholashda inson omilining kamayishini, fuqarolarning huquq va erkinliklari hamda qonuniy manfaatlari sudlarda ortiqcha vaqt va xarajatlar sarflanmasdan tezroq himoya qilinishini taʼminlaydi.
Q.Atamuradov, Fuqarolik ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
