Ijtimoiy himoyaga muhtoj ayrim toifadagi fuqorolarga nafaqa tayinlash boʻyicha davlat xizmatlari koʻrsatishning maʼmuriy reglamenti tasdiqlandi

Ijtimoiy himoyaga muhtoj ayrim toifadagi fuqorolarga nafaqa tayinlash boʻyicha davlat xizmatlari koʻrsatishning maʼmuriy reglamenti tasdiqlandi.

Vazirlar Mahkamasining 2021-yil 28-apreldagi 248-son qaroriga asosan, 2021-yil 1-avgustdan ijtimoiy himoyaga muhtoj ayrim toifadagi fuqarolarga nafaqa tayinlash boʻyicha davlat xizmatlari joriy etildi.

Ijtimoiy himoyaga muhtoj ayrim toifadagi fuqarolar quyidagilar hisoblanadi:

• Nogironligi boʻlgan 18 yoshgacha bolalarga, odamning immunitet tanqisligi virusini keltirib chiqaradigan kasallikka (OIV infektsiyasiga) chalingan 18 yoshgacha boʻlgan shaxslar hamda 18 yoshdan katta bolalikdan nogironligi boʻlgan shaxslarga nafaqa;

• Davlat pensiyasini tayinlash uchun zarur boʻlgan ish stajiga ega boʻlmagan shaxslarga yoshga doir nafaqa;
• Bolalikdan nogironligi boʻlgan farzandi bor (boʻlgan) onalarga yoshga doir nafaqa;
• Yoshidan qatʼi nazar ish stajiga ega boʻlmagan I va II guruh nogironligi boʻlgan shaxslarga nogironlik nafaqa;
• Davlat pensiyasini olish huquqiga ega boʻlmagan shaxsning qaramogʻida boʻlgan oilaning mehnatga layoqatli boʻlmagan aʼzolari uchun boquvchisini yoʻqotganlik nafaqasi.

Ularga davlat xizmatlari DXM yoki YaIDXP orqali Pensiya jamgʻarmasi tomonidan koʻrsatiladi va nafaqa puli nafaqa yetkazib berish yuklangan tashkilot tomonidan toʻlanadi.