HAR BIR MUROJAAT ORTIDA INSON VA UNING ShAXSIY HAYoTI BOR

Soʻnggi yillarda huquqiy demokratik davlat va adolatli fuqarolik jamiyati qurish jarayonida, birinchi navbatda, yagona davlat huquqiy siyosatini, jumladan huquq ijodkorligi faoliyatini sifatli tashkil etish, bir xil huquqni qoʻllash amaliyotini shakllantirish, inson huquq va erkinliklarining samarali himoya qilinishini taʼminlash, shuningdek, aholining huquqiy madaniyatini oshirishning yaxlit tizimini joriy etish kabi vazifalar ijrosi yuzasidan adliya organlari va muassasalarining roli yanada oshirilmoqda.

Joriy 2021-yilning 6 oyi davomida Oʻzbekiston Respublikasi Prezidentining Farmon va Qarorlarida belgilangan vazifalar ijrosi hamda bevosita Oʻzbekiston Respublikasi Adliya vazirligi tomonidan belgilangan topshiriqlar boʻyicha tuman Adliya boʻlimi tomonidan ham muayyan ishlar amalga oshirilmoqda.

Xususan, boʻlimga 2021-yilning oʻtgan 6 oyi davomida jami 100 ta ariza, 11 ta shikoyat kelib tushdi. Ushbu murojaatlarning 100 tasi ijobiy hal qilindi, yaʼni 49 ta ariza va shikoyatlar qanoatlantirilib, 51 tasiga huquqiy tushuntirishlar berildi. Boʻlim xodimlari tomonidan 2021-yilning 6 oyida bevosita shaxsiy qabulda 82 nafar, sayyor qabullarda 29 nafar fuqarolar qabul qilindi.

Bundan tashqari, norma ijodkorligi sohasida 2021-yilning dastlabki 6 oyi davomida qonunchilikni takomillashtirish yuzasidan 10 ta taklif berildi.

Shuningdek, 1 ta Xalq deputatlari tuman Kengashi va 3 ta tuman hokimi qarori huquqiy ekspertizadan oʻtkazildi.

Boʻlim tomonidan 2021-yil 1-chorak davomida sudlarga 13 nafar fuqaroning manfaatida arizalar kiritilib, shundan 8 tasi qanoatlantirildi. Kiritilgan daʼvo arizalarning 9 tasi fuqarolik sudlariga, 4 tasi maʼmuriy sudlarga kiritildi va daʼvogarlarga jami 10,6 mln soʻm ish haqlari undirib berildi.

Yilimizning birinchi yarmida 270 ta idora va tashkilotda 11 ta oʻrganish va 4 monitoring oʻtkazildi. Oʻrganish va monitoringlar davomida jami 467 ta qonunbuzilish holatlari aniqlandi.

Aniqlangan qonunbuzilish holatlari yuzasidan 26 ta taqdimnoma va 6 ta ogohnoma kiritildi. Ayrim murojaatlar yuzasidan 5 nafar mansabdor shaxs maʼmuriy javobgarlikka, 4 nafar xodim intizomiy javobgarlikka tortildi. Kiritilgan taqdimnomalar asosida fuqarolarga salkam 9,5 mln soʻm pul mablagʻlari undirib berildi.

Bundan tashqari, boʻlim xodimlari tomonidan maʼrifiy-huquqiy targʻibot ishlari ham samarali tashkil etildi. Fuqarolarning huquqiy onggi va madaniyatini yanada oshirish yuzasidan oʻtgan 6 oy davomida ommaviy axborot vositalarida 180 ta chiqishlar qilindi. Ogʻzaki huquqiy targʻibot 372 tani, koʻrgazmali targʻibot 730 tani tashkil qildi. Oʻtgan 6 oy davomida jami 576 ta targʻibot tadbirlari oʻtkazilib, bunga 2483 nafar fuqaro qamrab olindi.

Boʻlim tomonidan 6 oy davomida jami 43 ta davlat organlari va tashkilotlariga 638 ta qonun va qonun osti aktlari yetkazildi. Shundan 40 tasi Qonun, 172 tasi Prezident Farmon va Qarorlari, 312 tasi Vazirlar Mahkamasining Qarorlari, 114 tasi vazirlik va idoralarning buyruq va yoʻriqnomalaridir.

Shuni alohida taʼkidlash kerakki, har bir murojaat ortida inson va uning shaxsiy hayoti bor.  Tuman Adliya boʻlimi tomonidan amalga oshirilayotgan maʼrifiy-huquqiy tadbirlar, fuqarolarning ariza va shikoyatlarini oʻrganish, ularning huquqiy jihatdan yechim topishini  taʼminlash borasidagi saʼy-harakatlarning barchasi huquqiy demokratik tamoyillarni hayotga keng tatbiq etish hamda erkin fuqarolik jamiyatini  barpo etishga koʻmaklashishdir.

M.Matyusupov, tuman Adliya boʻlimi boshligʻi.