AMUDARYoLIK AZIZA TOShKENTDAGI SINGAPUR MENEJMENTNI RIVOJLANTIRISh INSTITUTI TALABASI BOʻLDI
Mustaqillik yoshlarga ulkan imkoniyatlar eshiklarini ochdi. Xalqimiz tarixida yoshlarga bu qadar ulkan eʼtibor berilgan davr boʻlmagan desak, aslo mubolagʻa emas. Zero, har qanday mamlakat taraqqiyotini unda yosh avlod kamoliga qaratilgan eʼtibor belgilaydi. Boisi, yoshlar kelajak egalaridir. Jadal rivojlanish va oʻzgarishlar sodir boʻlayotgan yurtning kelajagining rivojlanishida yoshlarning oʻrni beqiyosdir.
Yurtdoshimiz Aziza Zaripova ham mamlakatimizda yoshlar uchun yaratilgan barcha imkoniyatlardan foydalanib, oʻz iqtidorini yuksaltirishga harakat qildi. U joriy yilda tumandagi 16-Ixtisoslashtirilgan Davlat umumtaʼlim maktabini aʼlo baholarga tugatdi. Ingliz tiliga juda qiziqqan Aziza kichik sinfdaligidan boshlab, ushbu tilni chuqur oʻrganishga harakat qildi. Bilimlar bellashuvi, Fan olimpiadalarida qatnashib faxrli oʻrinlar gʻolibligiga ega boʻldi. Maxsus kurslarda tahsil olib, bilimini, til boyligini oshirdi va sinovlardan oʻtib, xalqaro darajadagi IELTS sertifikatiga ega boʻldi. Shundan soʻng, Toshkentdagi Singapur Menejmentni rivojlantirish institutiga hujjat topshirdi va imtihonlardan oʻtib, maktab partasidanoq talabalikka qabul qilindi.
Hech birimizga sir emas, mamlakatimizda yoshlarning har tomonlama yuksak salohiyatli inson boʻlib kamol topishi yoʻlida izchil islohotlar amalga oshirilmoqda. Ushbu islohotlarning ijobiy natijasini bugungi kun yoshlarining jamiyatda munosib oʻrin egallashga boʻlgan ishtiyoqi va erishayotgan yutuqlarida koʻrishimiz mumkin.
Keyingi yillarda yurtimizda taʼlim-tarbiya tizimiga joriy etilayotgan islohotlar tufayli sohada ijobiy natijalar qoʻlga kiritilmoqda. Oʻsib kelayotgan yosh avlod har tomonlama maʼnan va jismonan aqliy bilimga ega boʻlishlari uchun barcha taʼlim maskanlarida qulay imkoniyatlar yaratib berilgan.
Taʼlim, fan, sport, sanʼat sohasida xalqaro sinovlarda munosib oʻrin egallayotgan yoshlar buning yaqqol dalilidir. Kelajak davomchilari boʻlgan yoshlar ushbu imkoniyatlardan unumli foydalanib, kasb tanlashda adashmasdan, ustozlari bergan bilimlarni toʻliq oʻzlashtirib kelayotgan yoshlarning safi tobora ortib bormoqda.
Aziza ham yoshligidan kitob oʻqishga juda qiziqdi. Toshkentdagi Vestminster institutida tahsil oladigan akasiga havas qilib, unga oʻxshashga harakat qildi. Shuningdek, ota-onasining bergan toʻgʻri tarbiyasi uni shu darajaga yetishishining asosiy sababidir. Azizaning hayotda shunday yutuqqa munosib koʻrilishida ustoz-murabbiylarning ham oʻrni katta. Qachonki inson harakatdan, oʻqib-izlanishdan toʻxtamasa, oldiga qoʻygan maqsadlariga erishadi.
Azizadan barcha yoshlar oʻrnak olsa arziydi. Yosh boʻlishiga qaramasdan, bunday natijaga erishgan tengdoshimizga oʻqish va ishlarida zafarlar tilaymiz.
Sevara ISMOILOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
