AYoL-QIZLAR SALOMATLIGI TIBBIY TEKShIRUVDAN OʻTKAZILDI
Oʻzbekiston Respublikasi Prezidentining 2020-yil 12-noyabrdagi “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sogʻliqni saqlash tizimida olib borilayotgan islohotlar samaradorligini yanada oshirish chora-tadbirlari toʻgʻrisida”gi Farmoni ijrosini taʼminlash maqsadida 2021-yil 11-fevral kuni tuman Tibbiyot birlashmasi shifokorlari tomonidan ayol-qizlar salomatligini tibbiy tekshiruvdan oʻtkazishga bagʻishlangan tadbir boʻldi.
Unda keskin iqlim sharoitida doimiy mehnat qilib kelayotgan xotin-qizlarning sogʻligʻini muhofaza qilish va tiklash maqsadida tuman Tibbiyot birlashmasi koʻp tarmoqli markaziy poliklinikasida tor doiradagi mutaxassislar ishtirokida tibbiy koʻrik tashkil etildi. Onkolog shifokor M.Xolimbetov, kardiolog shifokor N.Bozorboyeva, endokrinolog shifokor M.Nurimbetova, terapevt shifokor R.Matyoqubova, stomatolog shifokor G.Abdullayeva hamda akusher-ginekolog shifokor M.Ahmedovalar ishtirokida qoʻshimcha (EKG, UZI, laborator-instrumental tekshiruvlardan qondagi qand miqdorini aniqlash) tekshiruvlar bilan toʻliq qamrab olgan holda 11 nafar ayol-qiz bepul tibbiy koʻrikdan oʻtkazildi.
Profilaktik tibbiy koʻrik natijasida xotin-qizlarning 4 nafari sogʻlom ekanligi va 7 nafarida turli xil surunkali kasalliklar aniqlandi hamda sogʻlomlashtirish boʻyicha tavsiyalar berildi.
Profilaktik tibbiy koʻrik davomida toʻgʻri va sogʻlom ovqatlanish, jismoniy faollik, xonadonni toza tutish, shaxsiy gigiyenaga rioya qilishning foydasi va unga amal qilmaganda kelib chiqadigan kasalliklar haqida batafsil suhbatlar oʻtkazilib, ayol-qizlar tomonidan berilgan savollarga aniq misollar bilan toʻliq javob berildi.
F.Abdullayev,
tuman Tibbiyot birlashmasi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
