BIR DAQIQA QADRI

(Qatra)
 Bir daqiqa qadri. Bir daqiqa. Bu soʻz qisqa boʻlsa ham keng qamrovga ega. Insonning tugʻilishi va oʻlim. Oʻylab qaralsa, mana shularning hammasi bir daqiqada sodir boʻladi.
...1991-yil 1-sentyabr, soat 23:58:07-soniya oʻtdi. Aynan shu daqiqalarda Sunnatovlar oilasida katta quvonch. Koʻzlarida yosh. Dillarida shukronalik hissi. Buning sababchisi oilaga qoʻshilgan yangi mehmon, yaʼni chaqaloq. U aynan shu bugun, shu yil, ushbu sanada tugʻildi! Oʻzbekiston Respublikasi mustaqil boʻlgan kunda dunyoga kelgan goʻdakka Rahmatjon deb ism qoʻyishdi.
Umrlar daqiqalarga qoʻshilib, yugurgancha davom etadi. Har daqiqa sayin yangi taqdir yaralib, boshqasi nihoyaga yetadi.
Ajoyib yoz kunlarining birida yana bir goʻshadagi baxtli oilaning baxtiyor qizchasi Muslima onasi bilan buvisinikiga ketayotgan edi. Atrof goʻzal va xushmanzara. Yoʻllar tekis va ravon. Muslima tinmay onasiga savollar beradi... U nima, nimaga bunday kabi savollarining oxiri yoʻqdek goʻyo...
Onasi yoʻl chetidagi svetoforga qaradi. Uning yashil chirogʻi yonib turardi. Muslima bilan onasi narigi tarafga oʻtish uchun yoʻlga yaqin kelishdi. Shu ondayoq qizil chiroq yondi va ular toʻxtashdi.
Yashil chiroqqa bir koʻz tashlab, shoshganicha oʻtib ketgan Rahmatjon esa yoʻl oʻrtasida qoldi! Svetoforda qizil chiroq. Shu payt mashinalarning qattiq signali va qattiq chinqiriq eshitildi!!!
Ha, bu Rahmatjon edi. Unga yoʻlni kesib oʻtish uchun atigi bir necha daqiqa yetmadi xolos! Muslima va onasi esa boʻlgan hodisadan sarosimaga tushib, yoʻlida davom etishdi.
 Inson Alloh taʼolodan inʼom etilgan umrning har bir kuni, har bir daqiqasi, har bir soniyasining qadriga yetib yashamogʻi kerak. Umr bu – vaqt! Vaqt esa daqiqadan iborat. Daqiqa esa soniyadir! Umrning har bir kuni, daqiqasi va soniyasining qadriga yetib yashamoq kerak.

Muyassarxon Yodgorova, QMU talabasi.