SAYYoR SUDDA MUKADDAM SUDLANGAN 4 NAFAR FUQAROGA MAʼMURIY NAZORAT OʻRNATILDI
Xolimbeg ovulidagi Ayoqchi mahallasida Jinoyat ishlari boʻyicha tuman sudi tomonidan ochiq sayyor sud oʻtkazildi.
Shu yil 4-fevral kuni Ayoqchi mahallasi fuqarolar yigʻini maʼmuriy binosida oʻtkazilgan ushbu sud majlisida muqaddam ogʻir va oʻta ogʻir jinoyat sodir qilgan 4 nafar shaxs ustidan maʼmuriy nazorat oʻrnatishga doir ish koʻrib chiqildi. Tuman IIB tomonidan berilgan taqdimnomalarga asosan oʻtkazilgan sud ishida Jinoyat ishlari boʻyicha tuman sudi, tuman IIB, prokuratura hamda fuqarolar yigʻini masʼullari ishtirok etdilar.
Sudda ushbu fuqarolar muqaddam jinoyat sodir qilib sudlanganligi hamda ozodlikdan mahrum qilish jazosini oʻtab chiqqanligi, endilikda ularning turmush tarzi va xulq atvorini nazorat qilish, qayta jinoyat yoki huquqbuzarliklar sodir qilishiga yoʻl qoʻymaslik maqsadida belgilangan muddatga maʼmuriy nazorat oʻrnatildi. Ularga belgilangan vaqtgacha yashash uyidan chiqmaslik, spirtli ichimliklar qoʻyib sotiladigan joylarda boʻlmaslik, tuman Ichki ishlar boʻlimining ruxsatisiz tuman hududidan chiqib ketmaslik, alkogolli ichimliklar isteʼmol qilmaslik kabi cheklovlarga amal qilish kerakligi tushuntirildi.
S.Davletmurodov, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
