LITsENZIYaSIZ ISh, KELTIPDI TAShVISh
Odamning olasi ichida, degan iborani hayotda koʻp ishlatamiz. Koʻzimizga binoyiday boʻlib koʻringan insonning goh nafsiga ergashib, goh loqaydlik bilan ajabtovur ishlarga aralashib qolganiga guvoh boʻlganimizda yuqoridagi iborani beixtiyor takrorlaymiz.
Xorazm viloyatida yashovchi Maʼmurjon (ism-sharifi oʻzgartirildi) Otaullayev ham koʻpchilikning nazarida binoyidekkina yigit edi. Oʻziga tegishli yuk mashinasida turli ishlarni bajarib, oilasini moddiy taʼminlab yurgan edi.
Nima boʻldi-yu, Jumur togʻi hududidagi tosh ishlab chiqarish zavodlaridan Xorazmga tosh olib borib sotishga ahd qildi. “Kimning qanday yumushi bor?” deb mijoz izlab yurmaydi. Toʻgʻri togʻ karʼeriga boradi-yu, toshni yuklab qaytaveradi. Kim koʻp, “imorat quraman”, deb yurganlar koʻp, atrofda. Ammo Maʼmurjon reja qilishga qildi-yu togʻ karʼeridan tosh tashish uchun ruxsatnoma (litsenziya) olishi zarurligini inobatga olmadi.
Buning oqibatida u Transport Vazirligi masʼul xodimlari tomonidan toʻxtatilib, Oʻzbekiston Pespublikasi MJtKning tegishli moddalarida koʻrsatilgan huquqbuzarlikni sodir etganligi maʼlum boʻldi. Uning qarshisiga ochilgan maʼmuriy ish hujjatlari Maʼmuriy ishlar boʻyicha tuman sudida koʻrib chiqilib, Oʻzbekiston Pespublikasi MJtKning tegishli moddalariga asosan huquqbuzarlik aniqlangan paytdan eʼtiboran 30 (oʻttiz) kunlik muddatda yoʻl qoʻyilgan huquqbuzilishlarni ixtiyoriy ravishda bartaraf etgani va yetkazilgan moddiy zararning oʻrnini qoplagani uchun maʼmuriy javobgarlikdan ozod etildi.
Oʻz qilmishining davlatga va jamiyatga katta zarar keltirishini anglab yetgan Maʼmurjon Otaullayev oʻz avtomobilida yuk tashish xizmatini bajarish uchun kechikib boʻlsa-da, maxsus ruxsatnoma (litsenziya) oldi va litsenziyasiz faoliyat yuritgani oqibatida davlatga yetkazilgan zararni oʻz muddatida toʻla qopladi. Afsuski, ungacha ancha asabi buzildi, sargardon boʻldi, oilasi rizqini “qiyib”, yetkazilgan zararni toʻladi. Anchagina chiqimdor boʻlgan bu fuqaro oʻz huquqini bilmaslik qanday oqibatlarga olib kelishini tushunib yetdi.
M.Karimboyeva,
Maʼmuriy ishlar boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
