Karantin davrida masofaviy taʼlim

Maʼlumki, yurtimizda hozir sinovli kunlar hukm surmoqda. Yurtimizda koronavirus pandemiyasi tarqalishining oldini olish maqsadida qatʼiy karantin eʼlon qilingan boʻlib, hammani oʻz uyida qolib, koʻchaga chiqmaslikka daʼvat etilmoqda. Karantin munosabati bilan 16-mart sanasidan boshlab, barcha turdagi taʼlim muassasalariga taʼtil eʼlon qilindi.
Oʻzbekiston Pespublikasi Bandlik va Mehnat munosabatlari vazirligining Adliya vazirligidan 3228-son bilan roʻyxatdan oʻtgan 2020-yil 25-martdagi 9-2020-5-sonli buyrugʻi hamda Oʻzbekiston Pespublikasi Xalq taʼlimi vazirining 2020-yil 31-martdagi 91-sonli buyruqlari asosida maktab oʻquvchilari bilan masofaviy taʼlimni yoʻlga qoʻyish ishlari amalga oshirildi.
Jumladan, bizning 82-sonli umumiy oʻrta taʼlim maktabida ham karantin davrida bu borada samarali ishlar tashkil qilinib, oʻquvchilar bilan masofaviy taʼlim yoʻlga qoʻyildi. Televideniye orqali berib borilayotgan teledarslarni kuzatib borishni nazorat qilish maqsadida barcha sinf rahbarlari, fan oʻqituvchilari koʻrsatmaga asosan, har bir oʻquvchining ota-onasi bilan muloqotda boʻlib, oilaviy sharoiti, aloqa vositalarining texnik imkoniyatlaridan kelib chiqqan holda oʻquvchi va ularning ota-onalari bilan   teledarslarni kuzatib borish, shu asosda qoʻshimcha savollar va qoʻshimcha materiallar tayyorlash, qisqa tushuntirishlar berib borish tizimi yoʻlga qoʻyildi.
Bunda sinf rahbarlari har bir sinf oʻquvchilari uchun telegram kanallari va guruhlari tashkil qilinib, har bir fan oʻqituvchisi oʻzi dars beradigan sinf oʻquvchilarining teledarslar orqali berib borilayotgan uyga vazifalarini nazorat qilib borish, ularni baholash va ragʻbatlantirish hamda qoʻshimcha tushuntirishlar berib bormoqdalar. Bunda sinf rahbarlari tomonidan har bir oʻquvchining ota-onalari bilan muloqotda boʻlib, ularning qulay vaqtlari va imkoniyatlaridan kelib chiqib, aloqa vaqtlarini belgilashga alohida ahamiyat qaratildi. Sinf rahbarlari masofada turib har bir oʻquvchining dars mashgʻulotlarini nazorat qilib borish va vaqtinchalik jurnallarga qayd qilib borishni amalga oshirib bormoqdalar. Oʻquvchilarning bilimlarini nazorat qilib borish, dars mashgʻulotlarida berilgan uyga vazifalarini tekshirib ularni baholab borish ketma-ketligi dars jadvallariga muvofiq amalga oshirilib kelmoqda. Bu esa oʻz navbatida oʻquvchi va oʻqituvchilarning masofada turib taʼlim jarayonini amalga oshirish uchun juda yaxshi samara bermoqda.
 Oʻquvchilar bilan masofaviy taʼlimning yoʻlga qoʻyilishi ota-onalar ijobiy baholab, oʻz minnatdorchiligini bildirmoqdalar. Oʻz navbatida ular ham farzandlarining dars mashgʻulotlariga beeʼtibor boʻlmasdan, farzandlarining teledarslarni kuzatib borishlarini nazorat qilib bormoqdalar. Sinf rahbarlari va fan oʻqituvchilarning masofaviy taʼlim borasida olib borayotgan faoliyatlarini qoʻllab-quvvatlamoqda.
  Yurtimizga kirib kelgan bu sinovli kunlarda barchamiz birlashib, farzandlar taqdiri, ularning kelajagi uchun qaygʻurish, ularning  bilim olishlari, uyda boʻsh vaqtlarini mazmunli oʻtkazishini taʼminlashda oz boʻlsa-da oʻz hissamizni qoʻshish bizning eng oliy burchimizdir. Zero, mustaqil vatanimizning kelajagi – yosh avlodlar qoʻlida. Shunday ekan, yosh avlodning taʼlim-tarbiya olishi, ularning har tomonlama yetuk, barkamol boʻlib yetishishlari uchun qoʻlimizdan kelgancha harakat qilish, bu borada masʼuliyat bilan yondoshish – biz pedagoglar uchun muhim ahamiyat kasb etishini taʼkidlab oʻtish lozim.

Pavshanbek Alimov, 82-sonli maktabning oʻquv-tarbiya ishlari boʻyicha direktor  oʻrinbosari.