TOʻLOV INTIZOMINI MUSTAHKAMLASh VA UNGA RIOYa QILISh IQTISODIYoT RIVOJINI TAʼMINLAYDI
Majburiy ijro byurosi organlariga energiya resurslari uchun toʻlovlarni oʻz vaqtida va toʻliq undirish, debitor qarzdorlikni qisqartirish, isteʼmolchilarning toʻlov madaniyatini oshirish, shuningdek, sud hujjatlari va boshqa organlar hujjatlarining ijrosini soʻzsiz taʼminlash vazifasi yuklatilgan edi. Oʻtgan 2,5-yildan ortiq vaqt mobaynida, yuqorida koʻrsatilgan vazifalarni bajarish yuzasidan salmoqli ishlar amalga oshirilib, sohaga oid koʻrsatkichlar sezilarli darajada ijobiy tomonga oʻzgardi.
Jumladan, energiya resurslari boʻyicha 2018-yilda 625,7 mlrd. soʻm undirilgan boʻlsa, 2019-yilda 904,5 mlrd. soʻm, yaʼni 278,8 mlrd. soʻmga ortiq qarzdorliklar undirilib, oʻsish surʼati 44 foizni tashkil etdi. Mazkur yilning 2 oyida esa 229,6 mlrd. soʻm undirildi.
Xususan, davlat inspektorlari oʻz hududidagi isteʼmolchilarning xonadonlariga har oyda kamida bir marta tashrif buyurib, hisoblagichlarini koʻrikdan oʻtkazishadi. Isteʼmol qilingan tabiiy gaz va elektr energiyasi boʻyicha hisob-kitob ishlarini amalga oshiradi. Qarzdorlik aniqlanganida esa isteʼmolchi joyida toʻlash istagini bildirsa, toʻlovlarning bevosita xonadonlarning oʻzida amalga oshirilayotganligi fuqarolarga qoʻshimcha qulayliklar yaratmoqda.
Huqubuzarliklarni fosh etish, surishtiruv va maʼmuriy amaliyot yoʻnalishi boʻyicha boshqarma va tuman boʻlimlarining elektr, gaz uzatish va gaz taqsimlash tarmoqlariga noqonuniy ulanish, talon-taroj holatlarini aniqlash, bartaraf etish borasida joriy yilning ikki oyi davomida Majburiy ijro byurosi Qoraqalpogʻiston Respublikasi boshqarmasi va uning hududiy boʻlimlari tomonidan 305 ta huquqbuzarlik fosh etildi. Shuningdek, huquqbuzarliklar natijasida 653 mln. 780,6 ming soʻmlik zarar yetkazilganligi aniqlandi.
Energiya resurslari taʼminotchilari korxonalariga yetkazilgan zarardan hozirgi kunga jami 475 mln. 249,2 ming soʻmi, yaʼni 72,7 foiz undirildi.
A.NIYeTOV, QR boshqarmasi katta inspektori.
B.KALLIXANOV, MIB tuman boʻlimi boshligʻi oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
