KUYuK KOʻPIP OVULIDA YaNGI MINI FUTBOL MAYDONChASI QUPILIB,FOYDALANIShGA TOPShIPILDI
“Yoshlar kelajagimiz” jamgʻarmasi yurtimizning koʻplab doimiy ish bilan band boʻlmagan yoshlari uchun yangi ish oʻrinlari yaratilishiga, tadbirkorlik bilan shugʻullanishlariga imkoniyatlar yaratdi. Kuyuk koʻpirlik Muhiddin Oʻrozimbetov shu vaqtgacha mavsumiy ishlar bilan shugʻullanib keldi. Yoshlarga qaratilayotgan gʻamxoʻrliklardan koʻngli yuksalib, ovulida tadbirkorlikni yoʻlga qoʻyish, yoshlarning sport bilan muntazam, qulay sharoitlarda shugʻullanishlarini taʼminlash niyatida sunʼiy qoplamali mini futbol maydonchasi qurish niyatida Yoshlar ittifoqi tuman Kengashiga murojaat qildi. Tashkilot uning puxta oʻylangan va rejalashtirilgan loyihasini eʼtiborsiz qoldirmadi. Unga ”Yoshlar – kelajagimiz” jamgʻarmasidan imtiyozli ravishda 350 million soʻmlik kredit mablagʻlari ajratildi.
Muhiddin ushbu mablagʻ va yana oʻz hisobidan 100 million soʻm pul sarflab, ovul yoshlari uchun sunʼiy qoplamali mini futbol maydonchasi, maydoncha atrofida tomoshabinlar uchun qishda sovuqdan, yozda oftob tigʻidan himoyalanishga bostirma bunyod etdi. Shuningdek, futbol maydonchasi qoshida turli yoshdagilar jismoniy chiniqishlariga xizmat qiluvchi sport maydonchasi ham qurildi.
Sport - sogʻlom turmush tarzining ajralmas boʻlagi. Ovul aholisi, ayniqsa yoshlar uchun sport bilan, mini futbol bilan shugʻullanib, jismoniy chiniqishlariga, boʻsh vaqtlarini mazmunli oʻtkazishlariga sharoit yaratilgani barcha uchun juda quvonarli voqea boʻldi. Shu boisdan ham 15-dekabr kuni maydonchaning ochilish marosimi bayram tusini oldi. Marosimda tuman hokimi oʻrinbosarlari Maʼmur Temirboyev, Jasur Norimov, Alisher Yoʻldoshev, Yoshlar ittifoqi tuman Kengashi raisi Mahmud Shermetov, “Yoshlar kelajagimiz” jamgʻarmasi tuman boʻlimi raisi Pashid Tursunboyevlar, shuningdek, Kuyuk koʻpir ovul fuqarolar yigʻini masʼullari, ovul aholisi, yoshlari ishtirok etdilar. Marosimda soʻzga chiqqanlar tadbirkor yigit Muhiddin Oʻrozimbetovning bunyod etgan sport inshootiga ulkan baho berdilar,boshlagan ishi xayrli boʻlishiga tilak bildirdilar.
Ovul nuroniylari duolaridan soʻng mini futbol maydonchasi eshigi oldida ramziy tasma kesildi va shodliklari bir jahon bolajonlar ilk mashgʻulotni boshlab yubordilar.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
