Oliy Majlis Qonunchilik palatasi deputatligiga nomzodlar saylovchilar bilan uchrashdi

Saylovoldi tashviqoti saylov kampaniyasining eng muhim va masʼuliyatli bosqichlardan biri sanaladi. Bu davrda siyosiy partiyalar va ular tomonidan deputatlikka ilgari surilgan nomzodlar saylovchilarni oʻzining istiqbolda amalga oshiradigan faoliyat dasturi bilan tanishtiradi. Partiyalarning saylovda muvaffaqiyatga erishishi koʻp jihatdan oʻz saylovoldi tashviqotini nechogʻlik faol va samarali tashkil etishiga bogʻliq. Shu maqsadda ayni kunlarda joylarda deputatlikka nomzodlarning saylovchilar bilan uchrashuvlari oʻtkazilmoqda.

1-Nukus saylov okrugidan Oʻzbekiston Pespublikasi Oliy Majlisi Qonunchilik palatasi deputatligiga nomzodlar ham tumanimizda boʻlib, saylovchilar bilan uchrashuv oʻtkazdi.

Toʻlqin ovulidagi 32-sonli maktabda oʻtkazilgan uchrashuvda deputatlikka nomzodlar va ularning ishonchli vakillari, ovul ahli va fuqarolar yigʻini masʼullari ishtirok etdilar.

Uchrashuvda dastlab deputatlikka nomzodlarning ishonchli vakillari soʻzga chiqib, nomzodlarning mehnat faoliyati haqida batafsil maʼlumotlar berdi.

Shundan keyin Oʻzbekiston Xalq demokratik partiyasidan koʻrsatilgan nomzod, Oʻzbekiston Savdo-sanoat palatasining Qoraqalpogʻiston Pespublikasi boshqarmasi huzuridagi hakamlik sudi raisi Pustem Aybergenov, Oʻzbekiston Ekologik partiyasidan koʻrsatilgan nomzod, partiyaning Qoraqalpogʻiston Pespublikasi kengashi Ijroiya qoʻmitasi raisi Aysanem Begimova, Oʻzbekiston “Adolat” sotsial-demokratik partiyasidan koʻrsatilgan nomzod Pespublika sud tibbiy ekspertiza ilmiy-amaliy markazi Qoraqalpogʻiston filiali boshligʻi Berdimurat Daljanov, Tadbirkorlar va ishbilarmonlar harakati – Oʻzbekiston Liberal-demokratik partiyasidan nomzod qilib koʻrsatilgan Nukus shahridagi «Massaget Nukus Tur» masʼuliyati cheklangan jamiyati direktori Dilfuza Jiyenbekova va Oʻzbekiston “Milliy tiklanish” demokratik partiyasidan ilgari surilgan nomzod, Qoraqalpogʻiston Pespublikasi Moliya vaziri oʻrinbosari Puslan Djumamuratovlar soʻzga chiqib, oʻzlarining saylovoldi dasturlari bilan tanishtirdilar.

Uchrashuvda ovul aholisi, mahalla faollari deputatlikka nomzodlarning va tegishli partiyalarning saylovoldi dasturlari haqida maʼlumot olib, oʻzlarini qiziqtirgan savollar bilan murojaat qildilar.

Ozoda XUDOYBEPGANOVA