TUMANDA INVESTITsIYa DASTUPI DOIPASIDA QANDAY QUPILIShLAP AMALGA OShIPILMOQDA?

Oʻzbekiston Pespublikasining 2019-yilga moʻljallangan investitsiya dasturi doirasida koʻplab ijtimoiy obʼektlar qurilishini, rekonstruktsiya va mukammal taʼmirlash ishlarini amalga oshirish koʻzda tutilgan.
Bizning tumanimizda ham investitsiya dasturi doirasida jami 16 mlrd. 850 mln. soʻmlik qurilish, rekonstruktsiya va mukammal taʼmirlash ishlari rejalashtirilgan boʻlib, ayni kunda bu ishlar jadal suʼratlar bilan olib borilmoqda.

Bu yilgi investitsiya dasturiga asosan tumanimizdagi 3 ta maktabda 6 mlrd. 172,3 mln. soʻmlik mukammal taʼmirlash va rekonstruktsiya qilish, 3 ta maktabgacha taʼlim muassasasida 7 mlrd. 434,7 mln. soʻmlik mukammal taʼmirlash va rekonstruktsiya qilish, 6 ta lot boʻyicha 17 ta koʻp qavatli uylarda 3 mlrd. 243 mln. soʻmlik rekonstruktsiya ishlarini amalga oshirish, uzunligi 14,65 km. boʻlgan 4 ta suv tarmoqlari obʼektlarida bahosi 1 mlrd. 432,1 mln. soʻmni tashkil etadigan  taʼmirlash ishlarini amalga oshirish rejalashtirilgan edi. Mana shu investitsiya dasturi asosida bugungi kunda tumanimizda bir qancha bunyodkorlik ishlari amalga oshirilayapti.

Jumladan Oybek nomli mahalla hududida joylashgan 55-sonli maktab binosida “Amudaryo SKB” MChJ tomonidan qiymati 2 mlrd. 901,6 mln. soʻmlik, Xolimbeg ovuli hududida joylashgan 17-sonli  maktab binosida “Mangʻit ideal qurilish” MChJ tomonidan qiymati 2 mlrd. 114 mln. soʻmlik rekonstruktsiya ishlari, Beshtom mahallasi hududida joylashgan 24-sonli maktab binosida “Karimboyev Shaxboz” MChJ tomonidan qiymati 1 mlrd. 156,7 mln. soʻmlik mukammal taʼmirlash ishlari amalga oshirilayapti.

Shuningdek, Qilichboy ovuli hududida joylashgan 97-sonli MTM binosida “Amudaryo” maxsus qurilish” MChJ tomonidan qiymati 3 mlrd. 138 mln. soʻmlik, Xitoy ovulidagi  18-sonli MTM binosida “Jumurtov tex taʼmir servis”  MChJ tomonidan qiymati 2 mlrd. 150 mln. soʻmlik mukammal taʼmirlash ishlari, Xolimbeg ovulidagi 48-sonli MTM binosida “MPMK-304” MChJ tomonidan qiymati 2 mlrd. 146,7 mln. soʻmlik kapital taʼmirlash ishlari amalga oshirilayapti.

Tumanimizda investitsiya dasturi doirasida koʻp qavatli turar joy binolarini mukammal taʼmirlash ishlari ham jadal surʼatlarda davom etayapti.

Yangiobod mahallasidagi 14 ta koʻp qavatli uylarda jami qiymati 2 mlrd. 467,3 mln. soʻmlik, Boy ovul mahallasidagi 3 ta koʻp qavatli uylarda qiymati 444,5 mln. soʻmlik mukammal taʼmirlash ishlarining, shu uylar qoshida 331,21 mln. soʻmlik bolalar maydonchalari qurilishlarining amalga oshirilayotgani shu joylarda yashaydigan aholining quvonchiga quvonch qoʻshayapti.

Tumanda 2019-yilda Investitsiya dasturi doirasida ijtimoiy obʼektlarni qurish, rekonstruktsiya qilish va mukammal taʼmirlash ishlaridan tashqari aholini toza ichimlik suvi bilan taʼminlash yuzasidan ham qator vazifalar belgilangan edi. Shunga asosan Yangiobod mahallasi hududida 6,3 km. uzunlikdagi, Oybek nomli mahalla hududida 5,4 km. uzunlikdagi va Chordara mahallasi hududida 0,55 km. uzunlikdagi suv quvurlarini tortish ishlari amalga oshirildi. “Mangʻit servis” MChJ tomonidan amalga oshirilgan bunday ishlar shu joylardagi aholining toza ichimlik suvi bilan taʼminlanishida muhim ahamiyat kasb etdi.

Tumanimizda 2019-yilgi investitsiya dasturi asosida amalga oshirilayotgan bunday bunyodkorlik ishlari xalqimiz farovonligining yuksalishiga xizmat qilayapti.

A.JUMANIYoZOV.