Faol deputatlar bizning faxrimiz
Huquqiy-demokratik, fuqarolik jamiyati qaror topayotgan ayni paytda OʻzXDPdan koʻrsatilgan deputat B.Madaminov yurtimizda tadbirkorlikni rivojlantirish, xalq farovonligini yuksaltirish, qishloq xoʻjaligini rivojlantirish, savdo, maishiy xizmat koʻrsatish, obodonlashtirishni yaxshilash, ijtimoiy himoya va sogʻlom avlodni shakllantirish, maʼnaviyatimizni yuksaltirish ishlari boʻyicha Dasturiy hujjatlar tayyorlab, sessiyalar muhokamasiga qoʻyishda oʻzining sezilarli hissasini qoʻshmoqda.
Deputat B.Madaminov Oʻzbekiston Pespublikasi Prezidenti Sh.Mirziyoyevning 2017-yil 12-iyul kuni Oliy Majlis Palatalari, siyosiy partiyalar hamda Oʻzbekiston Ekologik harakati vakillari bilan boʻlib oʻtgan videoselektor yigʻilishidagi maʼruzasida belgilangan ustuvor vazifalarni keng jamoatchilikka aniq va tushunarli tarzda yetkazish boʻyicha faol harakat qildi. Shuningdek, maʼruzadan kelib chiqadigan vazifalar va uning mazmun-mohiyatini keng jamoatchilikka targʻib qilish boʻyicha jam 3 ta deputatlik guruhi yigʻilishlarida ham ishtirok qildi. Bundan tashqari u Oʻzbekiston Xalq Demokratik partiyasi qoshidagi “Istiqbolli yoshlar”, “Faol ayollar” qanotlarining qoʻshma yigʻilishlarida ham faol qatnashmoqda.
Maʼlumki Oʻzbekiston XDP Dasturida aholining ijtimoiy muhofazaga muxtoj qatlami, xususan nogironlar, yolgʻizlar, keksalar, boquvchisini yoʻqotgan oilalar, oʻzgalar koʻmagiga muhtoj kishilarni partiya elektorati deb belgilangan hamda ular manfaati uchun kurashishni oʻz oldiga maqsad qilib qoʻydi.
Oʻzbekiston XDP maqsad va vazifalaridan, elektorati manfaatlaridan kelib chiqib, oʻz faoliyati samaradorligini yanada oshirish, qabul qilingan Qonunlarni xalqqa toʻgʻri tushuntirish partiyaning doimiyeʼtiborida boʻlayapti.
Partiya saylovoldi platformasida belgilangan vazifalarning bajarilishini taʼminlash maqsadida deputat B.Madaminov partiya bilan hamkorlikda ishlashga harakat qilmoqda.
Deputat B.Madaminov Xalq deputatlari tuman Kengashi sessiyalarida faol qatnashib, oʻz fikr va takliflarini muntazam ravishda bildirib kelmoqda. Jumladan: Xalq deputatlari tuman Kengashining 43-sessiyasida u quyidagi takliflar bilan chiqdi.
- hududiy nodavlat-notijorat tashkilotlari faoliyatini davlat tomonidan qoʻllab-quvvatlashni yanada yaxshilash maqsadida Oʻzbekiston Pespublikasi Oliy Majlis huzuridan NNT va fuqarolik jamiyatining boshqa institutlarini qoʻllab-quvvatlash jamoat fondining boʻlimlarini tashkil etish; masalasi.
- nodavlat-notijorat tashkilotlari faoliyatiga soliq imtiyozlarini joriy etish, unda faoliyat yurituvchi xodimlarning oylik maoshlaridan daromad soligʻiga imtiyozlar berish toʻgʻrisida takliflar bildirgan.
Deputat B.Madaminov 2018-yilda tumanda oʻtkazilgan OʻzXDP “Istiqbolli yoshlar” qanoti koʻrik-tanlovlarini oʻtkazishga ham katta yordam berdi. OʻzXDP Qoraqalpogʻiston Pespublika Kengashi yigʻilishlarida deputat faoliyati boʻyicha oʻzining fikr va takliflari bilan qatnashib OʻzXDP tuman Kengashining aʼzosi sifatida plenum va ijrokoʻm yigʻilishlarida, OʻzXDP huzurida faoliyat yuritayotgan “Targʻibotchilar guruhi” aʼzosi sifatida ham koʻplab tadbirlarda faol qatnashib kelmoqda. Jumladan:
“Partiyalar imidji, partiyalararo raqobat yuritishda siyosiy qarash va gʻoyalarning aks etishi, targʻibot-tashviqot ishlarining shakllari va usullari”, 2017-2021-yillarda Oʻzbekiston Pespublikasini rivojlantirishning beshta ustuvor yoʻnalishi boʻyicha Harakatlar Strategiyasida belgilangan “Davlat va jamiyat qurilishi tizimini takomillashtirishning ustuvor yoʻnalishlari”, 26-iyun “Giyohvandlikka qarshi kurashish kuni” munosabati bilan “Biz – giyohvandlikka qarshimiz!”, Oʻzbekiston Pespublikasi davlat mustaqilligining yigirma yetti yillik bayramini oʻtkazish munosabati bilan “Aziz va yagonamsan, jonajon Oʻzbekistonim” va yana qoʻplab mavzulardagi oʻquv-seminarlar, davra suhbatlari va tadbirlarda faol qatnashib kelgan.
B.Madaminov oʻzi saylangan saylov okrugida ham saylovchilar bilan muntazam uchrashuvlar oʻtkazib kelmoqda. 2018-yildan 28 nafar fuqaroni qabul qilib, ularning murojaatlari joyida oʻrganib chiqdi va deputatlik vakolatiga oid masalalarni ijobiy xal qildi. Deputatlik vakolatiga kirmaydigan masalalar boʻyicha tegishli davlat hamda nodavlat tashkilotlariga deputatlik soʻrovlari yuborildi.
M.SAʼDULLAYeV, Xalq deputatlari tuman Kengashi
OʻzXDP partiya guruhi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
