“Shukurjon” xususiy-ijodiy ustaxonasida “Obod qishloq” dasturiga kiritilgan hududlar loyiha-smeta hujjatlari ishlandi

Mamlakatimizda keyingi yillari shahar va qishloqlarimizni yanada obod qilish boʻyicha samarali ishlar olib borilmoqda. Shahar va qishloqlarning qiyofasi bunyodkorlik ishlari natijasida tanib boʻlmas darajada oʻzgarmoqda. Tumanimizda ham “Obod qishloq” dasturiga muvofiq juda katta qurilishlar, oʻzgarishlar amalga oshirilmoqda.

“Shukurjon” xususiy-ijodiy ustaxonasi jamoasi tomonidan Qoraqalpogʻiston Respublikasi Vazirlar Kengashi va tuman hokimligi belgilab bergan vazifalar asosida dasturga kiritilgan hududlarning bosh reja sxemalari tayyorlandi. Asosiy koʻchalar boʻylab joylashgan turar-joylar, bino va inshootlar tashqi koʻrinishlarining oldingi va keyingi holati koʻrsatilgan yoyilmalar batafsil ishlab chiqildi. Tuman obodonlashtirish boʻlimi va fuqarolar hisobidan turar joylarning tomini yangilash va tashqi qismini pardozlash boʻyicha loyiha-smeta hujjatlari tayyorlab berildi.

Oʻtgan yili “Obod qishloq” dasturiga kiritilgan markazlashgan mablagʻlar hisobidan bajariladigan obʼektlar Nazarxon ovulidagi qishloq vrachlik punkti, 3-sonli umumtaʼlim maktabi va 10-sonli maktabgacha taʼlim muassasasi, Qipchoq shaharchasidagi 11-sonli umumtaʼlim maktabini kapital taʼmirlash hamda 2-sonli maktabgacha taʼlim muassasasini rekonstruktsiya qilish boʻyicha loyiha-smeta hujjatlari, shuningdek, mahalliy byudjet mablagʻlari hisobidan Nazarxon ovuli va Qipchoq shaharchasi maʼmuriy binolarini kapital taʼmirlash va shu kabi boshqa bir qancha bino, inshootlarni joriy taʼmirlash loyihalari tayyorlandi.

Mazkur yilda ijodiy ustaxona jamoasi tomonidan “Obod qishloq” dasturiga kiritilgan uchta qishloq, yaʼni Beshtom mahallasi Choykoʻl va Qilichboy ovullarining bosh reja sxemalari tayyorlandi. Oʻtgan yildagidek asosiy koʻchalar boʻylab joylashgan turar joylar, bino va inshootlar tashqi koʻrinishlarining oldingi va keyingi holati koʻrsatilgan yoyilmalar batafsil ishlab chiqildi.

Markazlashgan mablagʻlar hisobidan bajariladigan obʼektlardan Beshtom mahallasida 24-sonli umumtaʼlim maktabini kapital taʼmirlash, Choykoʻl ovulida 22-sonli 540-oʻrinli umumtaʼlim maktabini rekonstruktsiya qilish, 60-oʻrinli 16-sonli maktabgacha taʼlim muassasi, 90-oʻrinli 36-sonli maktabgacha taʼlim muassasasini rekonstruktsiya qilish, 50-oʻrinli 30-sonli maktabgacha taʼlim muassasasini kapital taʼmirlash, Qilichboy ovuli hududidagi 554-oʻrinli 34-sonli umumtaʼlim maktabini rekonstruktsiya qilish hamda 60-oʻrinli 22-sonli maktabgacha taʼlim muassasasi, 125-oʻrinli 27-sonli maktabgacha taʼlim muassasalarini rekonstruktsiya qilish boʻyicha loyiha-smeta hujjatlari tayyorlandi. Ayni paytda shu smeta asosida pudratchilar tomonidan qurilish ishlari olib borilmoqda.

Mahalliy byudjet mablagʻlari hisobidan quriladigan Beshtom mahallasi, Choykoʻl va Qilichboy ovullarining maʼmuriy binolarini kapital taʼmirlash hamda tadbirkorlar tomonidan quriladigan savdo, maishiy xizmat koʻrsatish bino va inshootlarining loyiha-smeta hujjatlari ham tayyorlab berildi.

Hozirgi kunda hususiy korxonada 16 nafar malakali muhandis va arxitektorlar mehnat qilmoqda. Korxonamiz faoliyat olib borish uchun zarur boʻlgan zamonaviy kompyuter va tashkiliy texnikalar, plotter va printerlar bilan taʼminlangan. Loyihalar “CorelDRAWx3” va “AutoCAD” dasturlari asosida, smeta hujjatlari esa “TN qurilish” dasturlari asosida ishlanmoqda.

Yurtimizda dunyoga dongʻi ketgan meʼmor va quruvchilar yashab oʻtgan. Ming yillar mobaynida oʻz koʻrkini yoʻqotmagan tarixiy obidalarimiz haliga qadar jahon ahlini lol qoldirib kelmoqda. Biz ham ajdodlarimiz izidan borib, ularga munosib boʻlishga harakat qilamiz.

X.OʻROZOQOV, loyihalar bosh muhandisi.