XOTIPALAPGA KOʻChGAN UMP

Yaxshi odamning qisqa umridan manguliklar qoladi. Ha, elim deb, eldoshlariga qayishib, ertasi farovon boʻlishi uchun kurashib yashaganlar oʻlmaydi, ularning hayoti xotiralarga koʻchadi, xolos.

Oliy maʼlumotli muhandis-quruvchi, siyosatshunos, iqtisod fanlari nomzodi, “Shuhrat” medali va Qoraqalpogʻiston Pespublikasida xizmat koʻrsatgan iqtisodchi unvoni sohibi, hayotining soʻnggi 18-yilini tumanimizga rahbarlik qilib, hududimizni ijtimoiy-iqtisodiy rivojlantirishga, aholi turmushi farovonligini oshirishga baxshida qilgan Pajapboy Yoʻldoshev ham tirikligida oʻz mehnatlari bilan oʻziga mangulik haykal oʻrnatib ketgan edi, desak aslo mubolagʻa boʻlmas.

Uni tumanimizning yosh-u keksasi birday hurmat qilar, el uchun fidoyilik bilan qilayotgan mehnatini yuksak qadrlar edi.

Pajapboy Yoʻldoshev tumanimiz aholisi qalbida qattiqqoʻl, talabchan, ammo kamtar, gʻamxoʻr el ogʻasi sifatida ham joy olgan edilar. U kishi tumanimiz aholisining koʻpchiligini tanir, uchrashganda hazil-mutoyibani ham joyiga qoʻya oladigan xushtabiatli inson edilar. Yaqinlari, doʻstlari, sinfdoshlari bilan diydorlashib turishga eng dolzarb pallalarda ham vaqt ajrata olar, birpasgina oʻtirishganida ham ularning koʻnglini oʻz hurmatidan, mehridan bahramand eta olar, davralarga yorugʻlik olib kirardi.

Shu boisdan-da bugun u kishini eslaydigan, haqiga duo qiladiganlar koʻp.

Shu yilning 19-iyunida 20 maktabni 1969-yilda tugatgan sobiq sinfdoshlar maktabni tugatganlariga 50-yil toʻlishi munosabati bilan oʻtkazgan uchrashuvini dastlab oralaridan bevaqt ketgan sodiq doʻsti Pajapboy Yoʻldoshev xotirasini yod etish bilan boshladilar. Maktab binosida yigʻilgan qadrdonlar avvalo Pajapboy Yoʻldoshev qabrini ziyorat qilib, poyiga guldastalar qoʻydilar. Qurʼon tilovat qilindi, har biri oʻziga xos u haqdagi xotiralarini soʻzladilar.

Ellik yildan soʻng oʻzlari taʼlim olgan maktab bagʻrida diydorlashish uchun mamlakatimizning turli burchaklaridan yetib kelgan sobiq sinfdoshlar har biri oʻziga togʻday suyanchiq bilgan, samimiy va gʻamxoʻr bolalik doʻsti – Pajapboy Yoʻldoshev xotirasiga atab ehson oshi berishdi.

–  Bizni birinchi sinfdan oʻqitgan, boshlangʻich sinf oʻqituvchimiz Latipova Zipa opa asli juda inoq qilib tarbiyalagan edilar, – deya xotirlaydi tadbir tashkilotchilaridan biri Sobir Kenjayev. – Ana shu tarbiyaning mevasi – hozir ham sobiq sinfdoshlar bir-birimizdan ayrilganimiz yoʻq. Sinfimizda Pajapboyning oʻrni alohida edi. Keyinchalik oliygohni tugatib, turli qurilish tashkilotlarida, tumanimiz ijroiya qoʻmitasi raisi oʻrinbosari, Nukus tumani ijroiya qoʻmitasi raisi, Amudaryo tumani ijroiya qoʻmitasi raisi, Qoraqalpogʻiston Pespublikasi Vazirlar Kengashi Paisi, Qoraqalpogʻiston Pespublikasi Joʻqorgʻi Kengesi Paisining oʻrinbosari, tumanimiz hokimi boʻlib ishlagan vaqtlarida ham sobiq sinfdoshlar quvongan damlarida ham, qiynalgan damlarida ham birga boʻldi, men falonchiman, deb turmay, doim toʻy-maʼrakalarga kelsa, menga nima xizmat bor, derdi.

Men unga senga ulkan xizmat bor, birpas oʻtiraylik, deya hazillashardim.

Amudaryoday ulkan tuman rahbarlaridan biri boʻlgan odamning bir sinfdosh qizining oʻgʻlining toʻyiga Ashxobodday joyga borganining oʻzi uning qanchalik kamtarin, samimiy doʻst boʻlganini isbotlay oladi. Bu – 1984-yil boʻlgandi. Bozorgul ismli sinfdosh qizimiz Ashxobodda oʻqib, oilasi bilan shu yoqda yashab qoldi. U qishlogʻimizga, ota-onasinikiga har kelganida biz sobiq sinfdoshlar toʻplanib koʻrgani borardik, suhbatlashib toʻymasdik. Oʻsha yili u oʻgʻliga toʻy qildi. Shunda Pajapboy, men, yana olti nafar sinfdoshlar turmush oʻrtoqlarimiz bilan Ashxobodga toʻyga borganmiz. Hazil-mutoyiba bilan olis yoʻl azoblarini ham sezmaganmiz. Oʻsha vaqtda Pajapboy Yoʻldoshev tumanimiz ijroiya qoʻmitasi raisi oʻrinbosari lavozimida edi. U hech qachon oyogʻi yerdan uzilmagan, biron kun eldan, doʻstlaridan ayro yashamagan odam edi.

Pajapboy Yoʻldoshevni xotirlash marosimida sobiq sinfdoshlaridan tashqari, ularga taʼlim-tarbiya bergan ustozlari Pimboy Bekatov, Gulchehra Matmurodova, Dilorom Ahmedovalar ham ishtirok etishib, u haqdagi xotiralarini soʻzladilar. Xotira kechasi sobiq sinfdoshlarning maktabni tugatganlariga 50-yil toʻlishi munosabati bilan tashkillashtirilgan diydorlashuv tadbiriga ulanib ketdi.

Diydor lahzalari... naqadar totli onlar. Biroq ular davrasida bir doʻst oʻrni boʻsh – oramizdan bevaqt ketgan Pajapboy Yoʻldoshev nafaqat doʻstlari, balki, tumanimizning barcha aholisi qalbida mangu yashaydi.

Oygul PAJABOVA.