“IBPATLI OILA” KOʻPIK-TANLOVI IBPATLI OILALAP KOʻPAYIShIGA XIZMAT QILADI

Oila – hayot abadiyligini, avlodlar davomiyligini, kelgusi avlodlarning munosib insonlar boʻlib voyaga yetishini taʼminlaydigan muqaddas maskandir. Shu boisdan ham oilaga eʼtiborni kuchaytirish, uni ijtimoiy himoyalash, eʼzozlash, qoʻllab-quvvatlash dolzarb vazifalardan hisoblanadi.

Oʻzbekiston Pespublikasi Vazirlar Mahkamasi huzuridagi “Oila” ilmiy-amaliy tadqiqot markazi tuman boʻlimi, Xotin-qizlar qoʻmitasi, fuqarolarning oʻzini oʻzi boshqarish orgunlari faoliyatini muvofiqlashtirish boʻyicha tuman Kengashi hamkor tashkilotlar bilan birga 2019-yilning may-dekabr oylari oraligʻida oʻtkazayotgan 4 bosqichdan iborat “Ibratli oila” koʻrik-tanlovi ham oilalar mustahkamligi, uning tarbiyaviy ahamiyatini oshirishga xizmat qiladi.

Bunda oilaning ichki munosibatlari, yoshlarni oilaviy hayotga tayyorlashga, oilaviy ajrimlarning  oldini olishga, oilalarning ijtimoiy-iqtisodiy va huquqiy manfaatlarini himoya qilishga, turmush tarzini yuksaltirishga, oilaning mustahkam boʻlishida va bolalarning yaxshi tarbiya koʻrib ulgʻayishida ota-onaning oʻrni va masʼuliyatini oshirishga alohida eʼtibor qaratilgan.

Koʻrik-tanlov 4 ta bosqichda - mahalla bosqichi 10-mayga, tuman bosqichi 1-iyunga, hududiy bosqich 1-avgustga, respublika bosqichi esa 1-noyabrga qadar oʻtkazilishi rejalashtirilib, quyi bosqichlari faollik bilan oʻtkazildi.
Tanlovning birinchi shartida ishtirokchilar ishchi guruh tomonidan joylarga chiqib oʻrganib, koʻrik-tanlov ishtirokchisiga qoʻyilgan talablar yuzasidan baholandi.

“Bu mening oilam” deb nomlangan ikkinchi shartda ishtirokchi oilalar oʻzlarining jamiyatda tutgan oʻrni, oila tarkibi, kasb-kori, sevimli mashgʻuloti, oʻzaro munosabatlar, oiladagi anʼana va qadriyatlarni aks ettirgan videorolik namoyish etadilar.
Uchinchi – “Oila muqaddas qoʻrgʻon” deb nomlangan shartda ishtirokchilar oʻrtasida Oʻzbekiston Pespublikasi Konstituttsiyasi, “Oila” Kodeksi, oila institutini mustahkamlash yuzasidan qabul qilingan meʼyoriy hujjatlar va maʼnaviy-maʼrifiy yoʻnalishda tuzilgan tezkor savol-javoblar asosida viktorina oʻtkaziladi.

“Oila mustahkamligi – yurt tinchligi” mavzusida sahna koʻrinishi namoyish etish koʻrik-tanlovning  toʻrtinchi shartidir. Bunda oilaviy hayotda uchraydigan muammoli holat olinib, bartaraf etish yoʻllari 5 daqiqadan oshmagan vaqtda koʻrsatib beriladi.
“Ibratli oila” koʻrik-tanlovining barcha bosqichlarida 1-,2-,3-oʻrin gʻoliblari aniqlanib, ular tashkilotchilari tomonidan diplom  va sertifikat, esdalik sovgʻalari bilan taqdirlanadi.

Shubhasiz, oʻtkazilayotgan koʻrik-tanlov ibratli oilalar soni oshishiga, oila qurish arafasidagi yigit-qizlarga oila muqaddasligini singdirishga xizmat qiladi.

O.PAJABOVA.

(Foto - http://uza.uz)