“Adolat” sotsial-demokratik partiyasi tomonidan davra suhbati oʻtkazildi
Bugungi kunda sud-huquq tizimida qabul qilinayotgan har bir qarorning asosli, adolatli hamda qonuniy boʻlishiga erishish va sudlarning chinakam mustaqilligini, odil sudlovga aralashganlik uchun javobgarlik muqarrarligini taʼminlash boʻyicha qonun hujjatlari qabul qilinib, tegishli chora-tadbirlar amalga oshirilmoqda. Shuningdek, sohadagi islohotlarning mazmun-mohiyatini, inson huquq va manfaatlarini keng tushuntirish maqsadida aholi oʻrtasida tushuntirish-targʻibot tadbirlari oʻtkazilib borilmoqda.
6-iyun kuni Amudaryo Qishloq xoʻjalik kasb-hunar kollejida “Adolat” sotsial-demokratik partiyasi tuman Kengashi tomonidan “Sud-huquq islohotlari – inson manfaatlarini himoya qilishning mustahkam va ishonchli kafolati” mavzusidagi davra suhbati tashkillashtirildi. Mazkur tadbirda partiyaning Qoraqalpogʻiston hududiy Kengashi raisi oʻrinbosari A.Paxraddinov, tuman Adliya boʻlimi boshligʻi M.Matyusupov, partiyaning tuman Kengashi raisi I.Polvonov, tuman Kengashi deputatlari, partiya faollar hamda OAV vakillari ishtirok etdilar.
Qiziqarli oʻtgan tadbirda mamlakatimizda amalga oshirilayotgan sud-huquq sohasidagi islohotlar, inson huquqlarini, ularning qonuniy manfaatlarini samarali himoya qilish, sud hokimiyatining nufuzini yanada mustahkamlash, uni haqiqiy adolat qoʻrgʻoniga aylantirish, kuchli fuqarolik jamiyatini barpo etishdagi oʻrni va rolini kuchaytirishdan iboratligi toʻgʻrisida soʻz yuritildi. Shuningdek, Prezidentimizning 2018-yil 13-iyuldagi “Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida”gi Farmoni har tomonlama puxta va chuqur oʻylangan gʻoyalarga asoslanib, tizim nufuzini oshirish, sudlarni ixtisoslashtirish bilan birga xalq, uning taqdiri, huquq va manfaatlarini qonuniy himoya qilishning yuksak ifodasi boʻlganligi taʼkidlab oʻtildi. Shu qatorda “Adolat” sotsial-demokratik partiyasining saylovoldi dasturida fuqarolarning huquq va erkinliklarini izchillik bilan taʼminlash, sud-huquq tizimini isloh qilish, sud hokimiyati hamda advokatura faoliyati mustaqilligini mustahkamlashga yoʻnaltirilgan qonunlarning tashabbuskori boʻlish va ularni qoʻllab-quvvatlash belgilanganligi haqida ham maʼlumot berildi.
Tadbirda ishtirokchilarni qiziqtirgan savollarga batafsil javoblar berildi.
Sh. Eshmurodova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
