1-iyun - Xalqaro bolalarni himoya qilish kuni keng nishonlandi (+foto, video)
Bolaning begʻubor kulgusidan, samimiy quvonchidan butun olam shodlikka toʻladi. Mehr rishtasi boʻlgan bolajonlar bilan oilalar charogʻon, hayot goʻzal va nurafshondir.
Butun dunyoda 1-iyun - Xalqaro bolalarni himoya qilish kuni deb belgilangan boʻlib, ushbu kun jajji kichkintoylarning bayrami sifatida keng nishonlanadi. Koʻpchilik mamlakatlar va shaharlarda esa bu bayram bolalar huquqlari va ularni himoya qilish haqida munozara va maʼruzalar oʻtkazish bilan nishonlanadi. Bolalar kunida sport musobaqalari, kontsertlar, koʻngilochar shoular oʻtkaziladi. Yurtimizda ham bolalar uchun turli-tuman quvnoq va madaniy-ommaviy tadbirlar tashkillashtiriladi.
1-iyun kuni Mangʻit shahridagi Istirohat bogʻi ertalabdan bolajonlar bilan gavjum boʻldi. Mazkur maskanda Xalqaro bolalarni himoya qilish kuniga bagʻishlab “Har bir bolaga mehr, eʼtibor!” deb nomlangan katta tadbir oʻtkazildi. Tadbirda tuman hokimi oʻrinbosari, Xotin-qizlar qoʻmitasi raisi M.Ahmedova, tuman hokimining yoshlar masalalari boʻyicha oʻrinbosari A.Yoʻldoshev hamda mutasaddi tashkilotlarning rahbar va masʼul xodimlari bolajonlarni sana munosabati bilan samimiy qutlab, istiqbol egalariga porloq kelajak tiladi. Soʻngra bolajonlarga bayram sovgʻalari ulashildi.
Bayram tadbiri keng qamrovda oʻtkazilib, unda maʼnaviy-maʼrifiy, intellektual oʻyinlar, sportchilar chiqishlari namoyish etildi. Tuman Madaniyat boʻlimi, Bolalar musiqa va sanʼat maktablari, “Barkamol avlod” bolalar ijodiyot markazining iqtidorli yoshlari, umumtaʼlim maktablari va maktabgacha taʼlim muassasalari tarbiyalanuvchilari tomonidan kuy-qoʻshiq va sheʼrlar, goʻzal raqslar ijro etildi. Turli ertak va multfilm qahramonlari ham bayramga tashrif buyurgan bolajonlarga quvnoq va koʻtarinki kayfiyat ulashishdi.
Istirohat bogʻida oʻrnatilgan ajoyib attraktsionlar bayram kuni bolajonlarga beminnat xizmat qildi. Koʻtarinkilik bilan oʻtgan bayram tadbirida ozod va obod, jannatmakon yurtda tugʻilib, hech kimdan kam boʻlmay ulgʻayayotgan jajji bolajonlar miriqib hordiq chiqarishdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
