YuQORI QIShLOQNING OLIMA QIZI
Dunyoda tafakkur qudratiga teng keluvchi kuch yoʻq. Inson aqlu zakosi mahsuli boʻlmish ixtirolarni, yangiliklarni eshitganimizda har gal hayratga tushamiz: haydovchisiz yuradigan avtomobillar, tanaga issiqlik berib turuvchi kiyimlar, egasining sutka davomida qancha masofa piyoda yurishini aniqlab boradigan poyafzallar, inson zimmasidagi vazifalarni bajarayotgan robotlar... xullas, shunday odamlar borki, ularning aqli imkoniyatlariga havas qilmay ilojimiz yoʻq. Shunday damlarda faylasufning “qayiqda suzish mahoratini egallagan odamga toʻlqinlar xavf sololmaydi”, degan purmaʼno soʻzlari esiga keladi, odamning. Demoqchimanki, astoydil oʻqigan, intilgan, niyatlari sari odimlagan odam ham, shubhasiz, ulkan yutuqlarga erishadi.
Qilichboy ovulining Yuqori qishloq mahallasida tugʻilib oʻsgan Malohat Yusupovaning oʻquvchilik davri ham mustaqilligimizning ilk iqtisodiy qiyinchilik yillariga toʻgʻri keladi. Biroq, astoydil oʻqish uchun harakat qilgan qizaloqqa bular taʼsirini oʻtkaza olmadi. Maktabni tugatgach, 2004-yilda Toshkent davlat agrar universitetining kasb-taʼlimi (agronomiya) fakultetiga oʻqishga kirdi. 2008-yilda shu fakultetning bakalavr bosqichini, 2010 yilda mevachilik yoʻnalishi boʻyicha magistratura bosqichini imtiyozli diplom bilan tugatdi va 2011-2013-yillarda Toshkent davlat agrar universiteti stajyor tadqiqotchi-izlanuvchisi, 2013-2014-yillarda katta ilmiy xodim-izlanuvchi, 2014-yildan “Yangi pedagogik texnologiyalar” MChJ ish yurituvchisi, rahbari vazifasini bajaruvchi boʻlib ishlab kelmoqda. Shu bilan birga mevachilik va uzumchilik ixtisosligi boʻyicha mustaqil tadqiqotchi sifatida qishloq xoʻjaligi fanlari doktori, dotsent Sohibjon Islomovning ilmiy rahbarligida, Xorazm viloyati sharoitida olma va nok koʻchatlarini past boʻyli payvandtaglarda yetishtirish texnologiyasini takomillashtirish, mavzusida dissertatsiya ishini muvaffaqiyatli himoya qildi.
Uning 2018-yil 25-dekabrda himoya qilgan mazkur ishi avtoreferatiga Qozogʻiston, AQSh, Koreya, Rossiya, Xitoy kabi davlatlar ilmiy markazlarining yetakchi olimlari tomonidan ijobiy fikrlar bildirilgan, qishloq xoʻjaligi sohasi uchun ham nazariy, ham amaliy ahamiyatga ega boʻlgan tadqiqot, deya baholangan.
Malohat Yusupova mazkur tadqiqot ishida Xorazm viloyatining shoʻrlangan tuproqlarida vegetativ yoʻl bilan koʻpaytirilgan olma va behi payvandtaglari tiplarining oʻsishi va rivojlanishining marfo-biologik xususiyatlarini aniqlagan.
Toshkent davlat agrar universititi huzuridagi fan doktori ilmiy darajasini beruvchi DS s. 27.06.2017. QX. 13.01 raqamli ilmiy kengashda koʻrib chiqilgan ushbu himoya ishi uchun Malohat qishloq xoʻjaligi fanlari boʻyicha falsafa doktori ilmiy darajasiga ega boʻldi.
Yuqori qishloqning yosh olima qizi hamon ilmiy izlanishda, uning bu boradagi tadqiqotlari tumanimiz, Respublikamiz qishloq xoʻjaligi rivojiga muhim hissa boʻlib qoʻshilishiga ishonamiz.
Otabek RAHIMBOYeV, QDU talabasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
