Sayyor qabulda 7 nafar mahkum muddatidan ilgari jazodan ozod qilindi
24-aprel kuni tuman hokimligida Oʻzbekiston Respublikasi Oliy sudi raisi oʻrinbosari Baxtiyor Isakov boshchiligida sayyor qabul oʻtkazildi.
Sayyor qabulda Oʻzbekiston Respublikasi Oliy sudi sudyalari Kamol Tarikov va Botirali Diyorovlar, Qoraqalpogʻiston Respublikasi jinoyat ishlari boʻyicha sudi raisi Gulnora Bozorboyeva, Qoraqalpogʻiston Respublikasi Iqtisodiy sudi raisi Bibisanam Temirxonova, Qoraqalpogʻiston Respublikasi Maʼmuriy sudi raisi Abilay Adilov, Qoraqalpogʻiston Respublikasi Fuqarolik sudi raisi oʻrinbosari vazifasini vaqtinchalik bajaruvchi Saodat Qayipnazarova va Amudaryo tumani hokimligi, Oʻzbekiston Respublikasi Prezidentining tumandagi Xalq qabulxonasi masʼul xodimlari, tumandagi sudlar va huquqni muhofaza qilish organlari xodimlari hamda fuqarolarning oʻzini oʻzi boshqarish organlari raislari ishtirok etdilar.
Sayyor qabul boshlanishi oldidan Oʻzbekiston Respublikasi Oliy Sudi raisi oʻrinbosari B.Isakov yigʻilganlarga sud sohasida amalga oshirilayotgan ishlar, sayyor qabullarni oʻtkazish tufayli Oʻzbekiston Respublikasi fuqarolari uchun yaratib berilayotgan imkoniyatlar va amaliy yordamlar haqida toʻxtalib oʻtdi.
Shundan soʻng tuman hokimi S.Yoʻldoshev va Oʻzbekiston Respublikasi Prezidentining Amudaryo tumanidagi Xalq qabulxonasi mudiri E.Rajabovlar soʻzga chiqishib, xalqimizning ogʻirini yengil qilish, ularga amaliy yordamlar koʻrsatish maqsadida joylarda sayyor qabullar oʻtkazayotgan Oʻzbekiston respublikasi Oliy Sudi va Qoraqalpogʻiston Respublikasi sud-huquq tizimi rahbarlariga oʻz minnatdorchiliklarini bildirdilar.
Sayyor qabul davomida tumanimizdan 44 nafar fuqaroning murojaati tinglanib, ular bilan uy-joy, mol-mulk, ommaviy-huquqiy munosabatlar, maʼmuriy huquqbuzarliklar bilan bogʻliq masalalar boʻyicha suhbatlashildi.
Sayyor qabulda murojaat qilgan fuqarolarning 11 nafaridan nazorat tartibidagi arizalar qabul qilindi, 33 nafar fuqaroga shikoyat qilish tartibi va muddatlari yuzasidan huquqiy tushuntirishlar berildi.
Bundan tashqari sayyor qabul jarayonida ozodlikdan mahrum qilinib, jazo muddatini oʻtayotgan 7 nafar mahkumning jazodan muddatidan ilgari ozod qilish boʻyicha iltimosnomalari koʻrib chiqildi. Shu kunning oʻzida Jinoyat Kodeksining 73-moddasiga asosan ular shartli ravishda jazodan ozod qilindi. Shuningdek, yana 1 nafar shaxsning kasallik, mehnat qobiliyatini yoʻqotganligi sababli jazodan ozod qilish boʻyicha qilgan iltimosnomasi ham koʻrib chiqilib, Jinoyat Kodeksining 75-moddasiga asosan murojaatchining arizasi toʻliq qanoatlantirildi.
A.JUMANIYoZOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
