85 ta obʼekt va 135 xonadon IIB Qoʻriqlash boʻlimining texnik qoʻriqlash punkti tomonidan ishonchli qoʻriqlanmoqda
Tuman IIB Qoʻriqlash boʻlimi xodimlari korxona va tashkilotlarda, maktablarda, maktabgacha taʼlim muassasalari va mahallalarda qoʻriqlash xizmati boʻyicha targʻibot-tashviqot ishlarini samarali oʻtkazib kelishmoqda. Qoʻriqqa olingan obʼekt va xonadonlar sonini koʻpaytirish, xizmat samaradorligini oshirib borish maqsadida aholiga qoʻriqlash xizmatining turlari, afzalliklari va undan foydalanish qulayliklari toʻgʻrisida keng tushuncha berilmoqda. Taʼkidlash kerakki, yangidan aholi xonadonlari va tadbirkorlik obʼektlarini qoʻriqqa olish jarayonida ushbu joylarga oʻrnatiladigan signalizatsiya vositalari bepul oʻrnatilib berilayotgani hamda xonadon sohiblaridan oylik xizmat haqidan boshqa hech qanday toʻlov talab etilmasligi foydalanuvchilarga juda qulay boʻlmoqda. Shaxsiy imoratlar, mol-mulklar, moddiy boyliklar qatorida fuqarolarning xavfsizligi ham taʼminlanib, jinoyatchilik va koʻngilsiz hodisalar yuz berishining oldi olinmoqda.
Qoʻriqlash naryadlari tomonidan olib borilayotgan ishlar natijasida bugungi kunga qadar qoʻriqdagi obʼekt va xonadonlarning birontasida oʻgʻirlik va boshqa koʻngilsiz hodisalar yuz bermadi. Ishonchli qoʻriqlanishni taʼminlash maqsadida texnik qoʻriqlash punkti tezkor harakatlanuvchi guruhi naryadlari tomonidan tunda ham qoʻriqdagi obʼektlar joylashgan hududlar xizmat avtotransportida muntazam nazorat qilinmoqda. Undan tashqari, qoʻriqdagi obʼektlarga videokuzatuv, qoʻriqlash hamda yongʻindan xabar beruvchi signalizatsiya, “tashvish” tugmalarini oʻrnatish boʻyicha kompleks chora-tadbirlar amalga oshirilmoqda.
Ovul va mahallalarda aholi oʻrtasida oʻtkazilayotgan uchrashuvlarda ham qoʻriqlash xizmatidan foydalanishning afzalliklari, qulayliklari keng tushuntirilayotganligi natijasida qoʻriqdagi obʼektlar soni koʻpaydi va bugungi kunda jami 85 ta obʼekt va 135 xonadon IIB Qoʻriqlash boʻlimining texnik qoʻriqlash punkti va xodimlari tomonidan ishonchli qoʻriqlanib kelinmoqda. Yangidan qoʻriqqa olingan obʼektlarga ichki va tashqi tomonida sodir etilayotgan har xil harakatlarni kuzatib turuvchi videokuzatuv kameralari oʻrnatildi. Mazkur obʼektlarda sodir boʻlishi mumkin boʻlgan favqulodda vaziyatlarning oldini olish va ularning texnik jihatdan mustahkamligini oʻz vaqtida nazorat qilib borish va boʻlim shaxsiy tarkibining jangovar tayyorgarligini oshirish maqsadida bugungi kungacha 55 marotaba “Tashvish” amaliy-taktik oʻquv mashgʻulotlari oʻtkazildi.
Maqsadimiz – bizga ishonib topshirilgan davlat, jamoat hamda fuqarolarning shaxsiy mulkini ishonchli qoʻriqlash va turli koʻngilsiz hodisalarning oldini olib, aholi tinchligi, xavfsizligini taʼminlashdir.
Matnazar Duysenboyev,
tuman IIB Qoʻriqlash boʻlimining
texnik qoʻriqlash punkti boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
