Qipchoqda "Obod qishloq" dasturi doirasida 102 ta uy-joylar, 3,2 km. yoʻllar taʼmirlandi
Oʻzbekiston Pespublikasi Prezidentining “Obod qishloq” dasturi toʻgʻrisida”gi Farmoni va “Obod qishloq” dasturini 2018-yilda amalga oshirish boʻyicha qoʻshimcha chora-tadbirlar toʻgʻrisida”gi qarorga asosan joriy yilning 1-aprelidan boshlab mamlakatimizning har bir tuman va shahrida, avvalo olis va tabiiy iqlim sharoiti ogʻir hududlarda 2018-yilda 2 tadan va kelgusi yillarda 3 tadan qishloqda (mahallada) aholining yashash sharoitlarini bosqichma-bosqich tubdan yaxshilash, turmush tarzi va darajasida sezilarli ijobiy oʻzgarishlarni taʼminlashga, mazkur qishloqlarning (mahallalarning) qiyofasini zamonaviylashtirishga va qishloq aholisi uchun ish joylarini yaratishga qaratilgan “Obod qishloq” dasturi amalga oshirilishi belgilangan edi.
Muhtaram yurtboshimizning ushbu Farmoni va Qaroriga asosan bizning “Qipchoq” shaharchamiz ham “Obod qishloq” dasturiga kiritilgan edi.
“Obod qishloq” dasturiga asosan 2018-yilda shaharchamizda bir qancha qurilish va obodonlashtirish ishlari amalga oshirildi.
Jumladan, shaharchamizda “Mangʻit servis” MChJ tomonidan 2 ta tozalangan ichimlik suvi sotish shahobchasi qurildi, 102 ta uy-joylar, 3,2 km. yoʻllar taʼmirlandi, 6 ta bozor infratuzilma obʼektlarini qurish ishlari amalga oshirildi.
Shuningdek, “Obod qishloq” dasturi mablagʻi hisobidan 2-sonli MTM binosi joriy va 11-sonli maktab binosi mukammal taʼmirlandi.
Bugungi kunda shaharchamizda koʻp qavatli uylarni taʼmirlash, elektr energiyasi taʼminotini yaxshilash, koʻcha chiroqlarini oʻrnatish, aholida suyultirilgan gaz ballonlari va koʻmir bilan taʼminlash ishlari ham jadal davom etayapti.
Shaharchamiz qiyofasining tubdan oʻzgarib, aholi turmush farovonligining yuksalayotganligi nafaqat mahalliy aholini, balki bu yerga tashrif buyurgan barcha mehmonlarda ham prezidentimizdan, davlatimizdan rozilik kayfiyatlari paydo boʻlayapti.
Biz yangi 2019-yilda yurtdoshlarimiz hayotlarida bundan-da koʻproq yutuqlar va quvonchli kunlar boʻlishga tilakdoshmiz.
Nuraddin XOLBAYeV, “Qipchoq” shaharcha fuqarolar yigʻini raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
