Mangʻitda yopiq suzish suv havzasi bunyod etilmoqda
Sogʻlom inson hayotda oʻzligini toʻla namoyon eta oladi. Intellektual salohiyatini oshirish uchun harakatda boʻladi. Bunda albatta har kimning bolalikdan jismoniy chiniqishi, kuch-quvvatli boʻlishi muhim rol oʻynaydi.
Keyingi yillarda mamlakatimizda sport-sogʻlomlashtirish inshootlarining qurilib, foydalanishga topshirilayotgani va aholining, ayniqsa, yoshlarning oʻzlari qiziqqan sport turlari bilan muntazam shugʻullanishlari uchun imkoniyatlar yaratilayotgani ham bejiz emas.
Mangʻit shahrining “Barkamol avlod” koʻchasi Markaziy oʻyingoh kiraverishida bunyod etilayotgan 25x11 metrlik oʻlchamdagi yopiq suzish suv havzasi ham kelajakda yoshlarning, barcha yoshdagi kishilarning jismoniy chiniqishlari, suzish sportining yuksalishiga xizmat qiladi, albatta.
Joriy yilning iyul oyida boshlangan inshoot qurilishini “Suv qurilishi boshqarmasi” masʼuliyati cheklangan jamiyati quruvchilari amalga oshirishayapti.
Umumiy qiymati 4 milliard 940 million 50 ming soʻmlik yopiq suzish suv havzasi binosida ayni kunlarda beton quyish, gʻisht terish va suvoq qilish ishlarida 52 nafar ishchi mehnat qilmoqda. Usta, quruvchilar brigadasi boshligʻi Anvar Bekishev, ishchi Idris Sarsenovlar ishning sifatli va oʻz muddatida ado etilishida fidoyilik koʻrsatishayapti.
– Tumanimizda ilk yopiq suzish suv havzasini qurayotganimizdan juda quvonchdamiz. Endi inshoot ishga tushirilishi bilan tumanimizda suzish sportini rivojlantirish uchun ham sharoit yaratiladi, – deydi “Suv qurilishi boshqarmasi” masʼuliyati cheklangan jamiyati bosh prorabi Rasul Ahmedov.
Ha, joriy yilda foydalanishga topshirilishi rejalashtirilgan bu inshoot xalqimiz hayotida oʻziga xos yangilik boʻladi va tumanimiz sport sharafi yuksalishiga xizmat qiladi.
Oygul Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
