KIChIK SANOAT ZONASI: 11 mlrd. soʻm investitsiya kiritilib, 187 ta yangi ish oʻrinlari yaratiladi

Oʻzbekiston Pespublikasi Prezidentining 2018-yil 6-martdagi “Qoraqalpogʻiston Pespublikasida kichik sanoat zonalarini tashkil etish chora-tadbirlari toʻgʻrisida”gi Qaroriga asosan Amudaryo tumanidagi “Amudaryo paxta tozalash” AJning eski bino-inshootlari negizida kichik sanoat zonasi tashkil etildi.

Ishlab chiqarishni tashkil etish maqsadida ushbu kichik sanoat zonasining 14,3 ga. boʻlgan yer maydoni va 13,6 ming kv.m. boʻlgan bino va inshootlar yer maydonlari uchun tender savdolari oʻtkazildi.

Mazkur tender savdolarida umumiy qiymati 11 mlrd. 501 mln. soʻmlik investitsiyalar kiritishni va 187 ta yangi ish oʻrinlarini yaratishni maqsad qilgan 26 nafar tadbirkor ishtirok etdi. Tender savdolari yakuniga koʻra tadbirkorlarga jami 42,5 kv. metr, yaʼni 4,25 ga. yer maydoni ajratib berildi.

Ayni kunda ushbu kichik sanoat zonasida muhandislik kommunikatsiya va ishlab chiqarish infratuzilmasini tiklash, bu yerga elektr energiyasi, tabiiy gaz va ichimlik suvi olib kelishni tezlashtirish kabi ishlar rejalashtirilmoqda.

Bu rejalarga asosan kichik sanoat zonasi ichidagi va unga olib keluvchi jami 4,8 km. uzunlikdagi yoʻllarni joriy va mukammal taʼmirlash uchun 1 mlrd. 365 mln. soʻm, ichimlik suvi tarmogʻini tortish uchun 16,2 mln. soʻm pul sarflanishi belgilangan.

Hozirgi kungacha kichik sanoat zonasida elektr tarmoqlarini taʼmirlash va uning ayrim qismini yangilash boʻyicha 149 mln. soʻmlik va tabiiy gaz tarmoqlarini taʼmirlash ishlariga 123 mln. soʻmlik mablagʻ sarflandi.

Kichik sanoat zonasida amalga oshirilayotgan loyihalar orqali yiliga 150 tonna meva-sabzavotni quritish, 74 tonna meva-sabzavot mahsulotlaridan djem ishlab chiqarish, 1300 tonna qizilmiya ildizini qayta ishlash, 48 tonna quyultirilgan sut, tvorog, smetana mahsulotlarini tayyorlash, 194 tonna motor moyini qayta ishlash, 36 ming dona tayyor tikuv mahsulotlarini, 24 ming dona eshik, deraza, mebel mahsulotlarini tayyorlash, 100 tonna mix hamda 33 ming metrlik sim toʻr, 97 ming dona temir-beton mahsulotlarini ishlab chiqarish quvvatlariga ega boʻlgan yangi tarmoqlar tashkil etilmoqda.

Ushbu kichik sanoat zonasida faoliyat koʻrsatadigan tadbirkorlik subʼektlari iqtisodiyotimiz rivojiga va xalq farovonligiga katta hissa qoʻshadi, deb umid qilamiz.

U.BOZOPBOYeV, tuman Davlat soliq

inspektsiyasi boʻlim boshligʻi.