DOLZAPB MAVZUDAGI DAVPA SUHBATI

Yaqinda Uyshin mahalla fuqarolar yigʻinida “Jayxun sadosi” internet radiosi tahririyatining “Salomatlik – tuman boylik” loyihasi doirasida Amudaryo tumanida joriy mavsum uchun xarakterli boʻlgan yuqumli kasalliklarning oldini olish yuzasidan tibbiyot xodimlari ishtirokida davra suhbati boʻlib oʻtdi.

Davra suhbatida “Jayxun sadosi” internet radiosi tahririyati xodimlari, mahalla fuqarolar yigʻini masʼullari, mahalla fuqarolari va tuman DSENM xodimlari ishtirok etdilar.

Davra suhbatini Uyshin MFY raisi Pustam Qoʻchqorov ochdi va olib bordi. U davra suhbati ishtirokchilariga tumanimiz matbuotining bir yoʻnilishi boʻlgan “Jayxun sadosi” internet radiosi ijodiy jamoasi tomonidan olib borilayotgan ishlar, shu jumladan Oʻzbekiston Pespublikasi Oliy Majdisi huzuridagi NNTlar va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan “Salomatlik – tuman boylik” loyihasi doirasida tumanimiz aholisi oʻrtasida olib borilayotgan targʻibot va tashviqot tadbirlari, uchrashuv va davra suhbatlarining ahamiyati haqida qisqacha toʻxtalib oʻtdi.

Shundan soʻng “Salomatlik – tuman boylik” loyihasi hamkori, “Taraqqiyot koʻzgusi”

gazetasi va “Jayxun sadosi” internet radiosi muxbiri Pobiya Yoʻldosheva soʻzga chiqib, mazkur loyihani amalga oshirishdan koʻzlangan maqsad, erishilgan natijalar, xususan, aholining tibbiy madaniyati oʻsib borayotgani, bu tumanda onalik va bolalikni muhofaza qilish, reproduktiv salomatligini mustahkamlash, kattalar sogʻligini muhofaza etish borasida erishilayotgan yutuqlarda aks etayotgani haqida gapirdi. Soʻnggi yillarda onalar va bolalar oʻlimi keskin kamaygani, sogʻliqni saqlash muassasalari zamonaviy tibbiyot anjomlari bilan taʼminlangani bois, aholi orasida baʼzi yuqumli kasalliklar umuman uchramayotganini qayd etdi.

Davra suhbati kun tartibidagi asosiy masala – “Botulizm kasalligiga chalinmaslik choralari” mavzusida tuman DSENM ovqatlanish gigiyenasi boʻlimi shifokori Gulmurod Seytnazarov maʼruza qildi. U oʻz maʼruzasida botulizm – ovqatdan zaharlanish kasalligi va uning kelib chiqish sabablari, bu kasallikka chalinmaslik uchun asosan nimalarga eʼtibor qaratish lozimligi haqida davra suhbati ishtirokchilariga keng tushunchalar berdi. Xususan, uy sharoitida turli tuzlamalar, meva kompotlari va sharbatlar, baliq va goʻsht mahsulotlaridan konservalar tayyorlashda uy bekalari amal qilishi lozim boʻlgan qoidalar haqida batafsil maʼlumot berdi. Shuningdek, bunday mahsulotlar kamida 90-100 darajali issiq haroratda tayyorlanishi zarurligini, bundan past darajada tayyorlangan mahsulotlar qisqa vaqt ichida isteʼmolga yaroqsiz holatga kelib, bankalarning qopqoqlari bombaj boʻlib koʻtarilib qolishini, bunday paytda mahsulotni yoʻq qilib tashlash, chuqur kavlab koʻmish zarurligini qayd etdi. Aynib qolgan bunday mahsulotni isteʼmol qilgan odam organizmi jiddiy zaharlanishi oqibatida kasallik rivojlanib xavfli asoratlarga, hatto oʻlimga olib kelishini misollar tariqasida tushuntirdi.

Davra suhbatida Uyshin MFY kotibi Faxriddin Tilovboyev, mahalla faollaridan Bekbergan Qutlimurodov, Nasiba Bekberganova, Maqsud Toʻraboyev,Marhabo Sobirovalar maʼruza boʻyicha oʻz fikrlarini bildirish bilan birga oʻzlarini qiziqtirgan savollar bilan murojaat etdilar.

Fuqarolardan tushgan savollarga DSENM ovqatlanish gigiyenasi boʻlimi shifokori Gulmurod Seytnazarov batafsil javob berdi.

Davra suhbati yakunida hududdagi Uyshin, Qumyop, Xonjigʻali kabi mahallalarda “Salomatlik – tuman boylik” loyihasi doirasidagi bu kabi davra suhbatlarini tez-tez tashkil etish va aholi keng qatlami ishtirokini taʼminlash toʻgʻrisida kelishib olindi.

P. Yoʻldosheva.