Xalqaro bolalarni himoya qilish kuni keng nishonlandi (+video)
1-iyun - Xalqaro bolalarni himoya qilish kuni munosabati bilan Mangʻit shahridagi istirohat bogʻida bayram tadbirida oʻtkazildi. Unda maktabgacha taʼlim muassasaslari tarbiyalanuvchilari baxtiyor bolalikni, bolajon xalqimizni, ozod va obod Vatanimizni madh etuvchi kuy-qoʻshiqlar ijro qildi. Bayram tadbiri avvalida bolajonlar orasida oʻtkazilgan asfaltga, qogʻozga rasm chizish boʻyicha tanlovlar, sport musobaqalari gʻoliblari taqdirlandi.
Tuman hokimi oʻrinbosari Xotin-qizlar qoʻmitasi raisi Maryam Ahmedova barchani bayram bilan qutlab, “Bolalarga bering, dunyoni” shiori ostida, oʻtkazilayotgan tantananing maqsad-mohiyati, yurtimizda bolajonlarning begʻam, betashvish va sogʻlom oʻsib-ulgʻayishlari uchun amalga oshirilayotgan saʼy-harakatlar haqida gapirdi.
Ha, xalqimizning kelajak uchun rejalashtirayotgan ulugʻvor maqsadlari bugun ota-onasi qoʻlidan tutib, dunyoga hayrat bilan boqayotgan murgʻak bolajonlar kelajagi bilan chambarchas bogʻliq.
Ezgu niyatlar bilan yurtimizda amalga oshirilayotgan “Sogʻlom ona – sogʻlom bola” kontseptsiyasi oʻzining ijobiy natijalarini berayotgani quvonarlidir. 2016-yilda nufuzli xalqaro tashkilotlar tomonidan oʻtkazilgan reyting natijalariga koʻra, Oʻzbekiston bolalar salomatligi muhofazalangan yetakchi oʻnta davlatning biri sifatida eʼtirof etildi. Rivojlanish koʻrsatkichlari boʻyicha bolajonlarning 92 foizi Jahon Sogʻlikni saqlash tashkiloti standartlariga mos keladi.
Shunday gʻamxoʻrliklar bilan ulgʻayayotgan biri-biridan shirin, biri-biridan zukko bolajonlarning 1-iyun – Xalqaro bolalarni himoya qilish kuni munosabati bilan tayyorlangan maxsus adabiy-musiqiy dasturni tomosha qilib, koʻngli chindan-da, quvonchga toʻldi.
Maktabgacha taʼlim muassasalari tarbiyalanuvchilarining zavqli tomoshalari tugagach, tuman Madaniyat boʻlimi tasarrufidagi madaniyat va aholi dam olish markazlarida faoliyat koʻrsatayotgan toʻgaraklar ishtirokchilari ijrosida kuy-qoʻshiqlar yangradi. Tuman Madaniyat boʻlimi tomonidan tayyorlangan maxsus teatrlashtirilgan kontsert tomoshalari ham bolajonlarga bayram tuhfasi boʻldi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
