IBPATLI OILA – JAMIYaT KOʻPKI

Oila – muqaddas qoʻrgʻon. Oila qadriyatlari, asrlar osha avloddan-avlodga oʻtib kelayotgan anʼana va urf-odatlar esa oilaning har bir aʼzosi uchun qadrli. Ayniqsa, nuroniy otaxon va onaxonlarimizning oʻziga xos hayotiy tajribalari jamiyatimiz koʻzgusi boʻlgan ibratli oilalarning shakllanishida muhim ahamiyat kasb etadi.

15-may – Xalqaro oila kuni munosabati bilan tumanimizda 10-17-may kunlari oila haftaligi oʻtkazildi. Haftalikda ovul va mahallalarda istiqomat qiluvchi barcha oilalar qamrab olinib, ularning turmush tarzlari, mahalla ijtimoiy-maʼnaviy hayotida tutgan oʻrni, oilalarda yaratilgan ishbilarmonlik va oʻziga xos tarbiyaviy muhit masʼullar tomonidan oʻrganib chiqildi.

Oʻzbekiston Pespublikasi Vazirlar Mahkamasi huzuridagi «Oila» ilmiy-amaliy tadqiqot Markazining tuman boʻlimi hamda tuman Xotin-qizlar qoʻmitasi hamkorligida oʻtkazilgan ushbu haftalik davomida Xalqaro oila kuniga bagʻishlangan “Ibratli oila” respublika koʻrik-tanlovining mahalla bosqichi ham boʻlib oʻtdi. Unda har tomonlama yetuk va barkamol farzandlarni tarbiyalab voyaga yetkazgan, oʻz oilalarida hayotning abadiyligini, avlodlar davomiyligini taʼminlagan, muqaddas urf-odat va anʼanalarimizni saqlagan, kelajak nasllarni munosib insonlar qilib voyaga yetkazib, ona Vatan ravnaqiga munosib hissa qoʻshib kelayotgan oilalarning sohib va sohibalari “Ibratli oila” koʻrik-tanlovining mahalla bosqichi gʻoliblari boʻldilar.

Joriy yilning 17-may kuni Mangʻit shahridagi istirohat bogʻida Xalqaro oila kuni munosabati bilan oʻtkazilgan oila haftaligida faol ishtirok etgan “Ibratli oila” koʻrik-tanlovining mahalla bosqichi gʻoliblarini taqdirlash marosimi boʻlib oʻtdi.

Tadbirda tumanimizdagi ovul va mahallalarda istiqomat qiluvchi tadbirkor oilalarning ishlab chiqargan va yetishtirgan mahsulotlaridan tashkil topgan koʻrgazma ham namoyish etildi. Hunarmand Abdusharif Masharipov, yosh innovatsiyachi Abrorbek Hayitboyev, tikuvchi-modeler Tamara Yusupovalarning mahsulotlari barchaga manzur boʻldi.

Gʻoliblarni taqdirlash marosimida tuman Xotin-qizlar qoʻmitasi raisi Maryam Ahmedova oila haftaligida faol ishtirok etgan tumanimizdagi ibratli oilalarning oʻziga xos goʻzal tutumlari, ularda shakllangan milliy mentalitetimizga mos maʼnaviy-maʼrifiy tarbiya usullarini barchaga namuna qilib koʻrsatdi hamda bu oilalarda voyaga yetgan farzandlarning hayotda erishayotgan yutuqlari, “Ibratli oila” koʻrik-tanlovining ahamiyati haqida gapirdi.

Shuningdek, Oʻzbekiston Pespublikasi Vazirlar Mahkamasi huzuridagi «Oila» ilmiy-amaliy tadqiqot Markazining tuman boʻlimi rahbari Gulshod Yusupova, “Gulzor” mahallasida istiqomat qiluvchi ibratli oila sohibi Abdulla Xoʻjametov, “Doʻstlik” mahallasida istiqomat qiluvchi Jongilbeka hoji Pahim Bobojon qizi va boshqalar ham soʻzga chiqishib, mustahkam oilaning shakllanishida milliy urf-odat va anʼanalarning ahamiyati gʻoyat muhim ekanligini taʼkidladilar.

“Ibratli oila” respublika koʻrik-tanlovining mahalla bosqichi gʻoliblari tashkilotchilar tomonidan munosib taqdirlandilar va mazkur koʻrik-tanlovning joriy yil iyun oyida boʻlib oʻtadigan tuman bosqichiga yoʻllanma oldilar. Tuman Madaniyat boʻlimi tomonidan tayyorlangan maroqli kontsert dasturi barchaga xush kayfiyat bagʻishladi.

Pobiya YOʻLDOShEVA.

Suratda: «Ibratli oila» koʻrik-tanlovining tuman bosqichi ishtirokchisi,

Arna boʻyi mahallasida yashovchi Tovboyevlar oilasi.