QOZOQ ShOIRI ABAY QOʻNONBOYeVNING IJODIY MEROSI OʻRGANILYaPTI
6-aprel kuni 15-sonli umumtaʼlim maktabida qozoq klassik adabiyotining asoschilaridan biri, buyuk shoir va mutafakkir Abay Qoʻnonboyevning ijodiy merosini keng oʻrganish va targʻib qilish maqsadida tadbir oʻtkazildi.
Maktabning 6- va 7-sinf oʻquvchilari va bir guruh oʻqituvchilari ishtirokida oʻtkazilgan ushbu tadbirni maktab direktori M.Boltaboyev kirish soʻz bilan ochib, ushbu tadbirni oʻtkazishdan koʻzlangan maqsad haqida gapirdi.
Shundan keyin maktab direktorining maʼnaviy-maʼrifiy ishlar boʻyicha oʻrinbosari Dilnoza Jumanova soʻzga chiqib, A.Qoʻnonboyev ijodiy merosini keng oʻrganish va targʻib qilish boʻyicha Oʻzbekiston Respublikasi Prezidenti qarori qabul qilinib, mamlakatimizning barcha hududlarida uning umuminsoniy qadriyatlar va mehr-oqibat tuygʻulari yuksak pardalarda tarannum etilgan yetuk badiiy asarlari, ibratli hayoti va ijtimoiy faoliyati bilan xalqimiz madaniyati rivojiga qoʻshgan ulkan hissasini inobatga olib hamda oʻzaro madaniy-gumanitar aloqlarini yanada rivojlantirish, el-yurtimizni qozoq adabiyotining ulugʻ namoyondalari ijodi bilan tanishtirish maqsadida koʻplab tadbirlar oʻtkazilayotganligi haqida gapirdi.
Tadbir davomida oʻquvchilar tomonidan buyuk shoir hayoti va ijodiga doir koʻplab maʼlumotlar keltirildi.
Tadbirda ona tili va adabiyoti fani oʻqituvchisi A.Rahimova soʻzga chiqib, xalqimizning qardosh Qozogʻiston xalqiga, uning betakror adabiyoti va madaniyatiga, yorugʻ kelajagiga boʻlgan hurmati va ishonchining yorqin ifodasi sifatida yurtimizda buyuk qozoq shoiri va mutafakkiri Abay Qoʻnonboyevning ijodiy merosini keng oʻrganish va targʻib qilishga katta eʼtibor berilayotgani haqida gapirdi.
Buyuk qozoq shoiri va mutafakkiri A.Qoʻnonboyev ijodiy merosini keng oʻrganish va targʻib qilish maqsadida oʻtkazilgan ushbu tadbirda oʻquvchi-yoshlar shoir ijodidan namunalar oʻqidilar.
Laylo OLIMOVA, maktabda tashkil etilgan
“Muxbirlar posti” asʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
