Oʻquv-seminar ayollarni tadbirkorlikka jalb etishga bagʻishlandi (+video)
Oʻzbekiston Liberal Demokratik partiyasi tuman Kengashi tomonidan ayol-qizlarning ijtimoiy-siyosiy faolligini oshirish, iqtisodiy va huquqiy bilimini yanada kuchaytirish, tadbirkorlik koʻnikmalarini oshirish borasida qator amaliy ishlar hayotga tatbiq etilmoqda. Ayol-qizlarning tadbirkorlik faoliyatini har tomonlama qoʻllab-quvvatlash masalalariga alohida ahamiyat qaratilmoqda.
Tuman hokimligida 17-yanvar kuni OʻzLiDeP tuman kengashi tomonidan “Xotin-qizlarni tadbirkorlikka keng jalb etish va ularning muammolarini oʻrganish masalalari” mavzusidagi oʻquv-seminari ham shu maqsadda oʻtkazildi. Oʻquv-seminarda OʻzLiDePning Qoraqalpogʻiston Pespublikasi Kengashidagi Siyosiy taʼlim markazi rahbari Nasiba Turemuratova hamda fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi raisining maʼnaviy-maʼrifiy masalalari boʻyicha oʻrinbosari Gavhar Chimboychiyeva, tuman Iqtisodiyot va hududni kompleks rivojlantirish boʻlimi boshligʻi Pashid Salayev, tumandagi tijorat banklari “Agrobank” , “Mikrokreditbank” , Xalq banki kredit boʻlimlari bosh mutaxassislari, “Yagona darcha” markazi xodimlari, mahalla maslahatchilari, tadbirkor ayol-qizlar ishtirok etdilar.
Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi bilan hamkorlikda tashkillashtirilgan oʻquv-seminarni OʻzLiDeP tuman kengashi raisining birinchi oʻrinbosari, apparat rahbari Muqaddas Beknazarova olib bordi. OʻzLiDePning Qoraqalpogʻiston Pespublikasi Kengashi Siyosiy taʼlim markazi rahbari Nasiba Turemuratova seminar ishtirokchilariga har bir sohadagi faoliyat samaradorligini yanada oshirishga xizmat qiladigan Prezidentimiz Shavkat Mirziyoyevning Oliy majlisga qilgan Murojaatnomasi toʻgʻrisida hamda OʻzLiDePning xotin-qizlar bandligini taʼminlash, ularni tadbirkorlikka jalb etish, mehnat sharoitlarini yaxshilash masalalariga alohida eʼtibor qaratib kelayotganligi, “Ayollar qanoti” tomonidan xotin-qizlar oʻrtasida xunarmandchilik, oilaviy tadbirkorlik, fermerlikni rivojlantirishga qaratilgan tadbirlar oʻtkazilayotganligi haqida maʼruza qildi. Shuningdek, “Oilaviy tadbirkorlikdan – mustahkam oilaga”, “Ishbilarmon ayol”, “Fermer ayol” kabi loyihalarning ayol-qizlarni kichik biznes va xususiy tadbirkorlik, fermerlik harakatlariga jalb qilishda ijobiy samara berayotganini, tijorat banklari tomonidan imtiyozli kreditlar ajratilayotgani va davlatimiz tomonidan yaratilayotgan imkoniyatlardan unumli foydalanish zarurligini ham aytib oʻtdi.
“Goʻzaloy Mahmud qizi” MChJ raisi, OʻzLiDepning tuman Kengashi “Ayollar qanoti” guruhi raisi oʻrinbosari Gulbahor Qurbonbekova oʻquv-seminarda mamlakatimizda joriy yilda tadbirkorlarga keng imkoniyatlar yaratilishi, bundan unumli foydalangan holda faoliyatni kengaytirish va yangi innovatsiyalar kiritish lozimligi haqida soʻzladi.
Oʻquv-seminar bahs-munozaralarga boy boʻldi. Tuman Iqtisodiyot va hududni kompleks rivojlantirish boʻlimi boshligʻi Pashid Salayev, “Yagona darcha” markazi, tijorat banklari mutaxassislari tadbirkor ayol-qizlarning qiziqtirgan savollariga aniq va toʻliq javob berdilar.
Tadbirkorlik bilan shugʻullanish istagi bor ayol-qizlarga ham zarur tushunchalar berilib, yoʻl-yoʻriq koʻrsatildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
