Balli, yigitlar! tanlovi boʻldi

15-yanvar kuni 38-maktabda yosh avlod qalbida Vatanga muhabbat, yurtga sadoqat, vatanparvarlik tuygʻularini mustahkamlash va yurt himoyasiga qodir, mard yigitlar boʻlib voyaga yetishlariga ruhan tayyorlash maqsadida maktabning 10-9-sinflari yigitlari oʻrtasida “Balli, yigitlar” koʻrik-tanlovi oʻtkazildi.

Guruhni tanishtirish, qoʻl jangi, arqon tortishish, savol-javob hamda jismoniy tayyorgarlik shartlari boʻyicha jamoalarning chiqishlarini hakamlar odilona baholab bordilar. Jamoalar yigitlari har bir shartni bajarishda chaqqonlik, abjirlik, zukkolik va epchillik btlan harakat qildilar. Tanlov yakunida 10-“B” sinf yigitlari gʻolib deb topildi hamda ularga diplom va esdalik sovgʻalari topshirildi.

Iroda Yerdosheva, 38-maktab oʻquvchisi.