OTA-ONAMDAY QADRLI
Men har gal aziz ota makonim – Amudaryoga kelganimda, ota-onamni körib, soğinçlarim bosilgaç, yana bir aziz inson – Xonimjon ammam tomon oşiqaman.
Ha, azizlar, öz fidoyi mehnati, elsevarligi, taşabbuskorligi-yu taşkilotçiligi, bilimdonligi bilan Amu elining öz qiziga aylangan Xonimjon Rajabova mening yaqin qarindoşim – ammajonim bölgani uçun emas, balki mening bugungi darajaga yetişuvim, tajribali şifokor va şaxs sifatida şakllanişimda, hayotda öz örnimni topişimda ota-onam, ustozlarim kabi jonkuyarlik qilganlari uçun ham juda qadrli.
Esimda: 1975-76-yillar edi. Endi aqlimni taniy boşlagan kezlarim. Xonimjon ammam Toşkent şahrida, Universitetda öqirdilar. Ammamning har gal yozgi taʼtilga kelişi biz uçun haqiqiy bayramga aylanib ketardi. Uning muloyim va mehribon sözlaşlari, sehrli ovozlari, nazarimda hammaning eʼtiborini tortardi. Ammam bizga Toşkent şahridan qiziq-qiziq ertak kitoblar olib kelib berardilar va albatta, bu kitoblarni öqib, mağzini çaqişimizni talab qilardilar. Maktabda "aʼlo” bahoga öqigan bolalar uçun alohida kitob sovğa qilardilar. Endi öylab qarasam, menda kitobga mehr, ilm olişga intiliş tuyğusi ammamdan ötgan va u kişi meni intizomli, madaniyatli kitobxon sifatida tarbiyalagan ekanlar.
Ammamning qişloği Kuyuk köpir bilan bizning ovulimiz orasi 7-8 çaqirimlik yöl edi. Ammam ana şu masofani erinmay piyoda bosib ötar, menga çiroyli husnixatlar bilan inşolar yozişni örgatardilar.
– Şifokor albatta adabiyotni yaxşi bilişi kerak, – derdilar ammam. – Çiroyli sözlaşni bilmagan şifokor heç qaçon obrö topmaydi.
Men ammamdan eng avvalo odamgarçilikni, bir-birovni qadrlaşni, bundan ham muhimi, maʼnaviyatga, kitobga mehrni örgandim. Özimda, agar yaxşi xislatlar bor bölsa, ularning barçasi Xonimjon ammam tufayli deb bilaman.
Biz şifokorlar insonlarning yoşini oylar va yillar orqali emas, balki biologik holati – ongi, tafakkuri, maʼnaviy yetukligi va maʼrifatparvarligidan kelib çiqib belgilaymiz. Ammamning menga:
– Anvarjon, 60 yoşga tölayotirman, – deganlariga, töğrisi, mutaxassis sifatida heç işonmadim. Çunki jöşqin tabiatli, köngillari mehr-muhabbatga limmo-lim, barça yoşdagilar bilan xuddi tengdoşi kabi samimiy gaplaşib ketaveradigan, har qanday muammoni dadillik bilan joyida hal qilib, yigitlarday mardlik qila oladigan, yoşlarday şijoatli ammam, nazarimda nuroniylik manzilida ham yoşlardan aslo qolişmaydi!
Men aziz va mehribon, samimiy va dilkaş döst, mehr-oqibatli, bilimdon, saxovatpeşa ustoz, ota-onamday qadrli ammam – Xonimjon Rajabova bilan hamişa faxrlanaman. Yuragim töla soğinç va muhabbat bilan:
– El içra hamişa aziz va suyukli farzand bölib yaşaş baxtiga bir umr muyassar böling, baxtli-saodatli yaşang, ammajon! – deyman. Sizga mustahkam soğlik, uzoq umr tilab, jiyaningiz
Anvar Rajabov,
Özbekiston Yozuvçilar uyuşmasi poliklinikasi Boş şifokori.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶