KULGULARING DUNYoNI TUTSIN, BOLAJON!
Agar mendan ayol umrining eng gözal lahzasini tasvirlab berişni söraşsa, albatta heç ikkilanmay, bolasini bağriga bosganiça alla aytayotgan paytini çizar edim.
Bağrida jigargöşasining taftini his qilganiça mehri-muhabbati qorişgan ilohiy qöşiq – allaga umri davomçisini inʼom etgani uçun Yaratganga şukronasini, onalikday uluğ baxtga muşarraf bölganidan baxtiyorligini qöşib aytadi, farzandi qalbiga allasi orqali eng ezgu orzularini singdirişga intiladi.
Ha, farzandlarimiz umrimiz davomçilari, ertanggi kunimiz egalari, göyoki xonadonlarimizni yoritib turuvçi şamçiroq, hayotimiz mazmuni. Şu bois ham közi qaroğimizda asraymiz bolamizni. Bu borada davlatimiz ğamxörliklarini aytmaysizmi?!
Dunyoga kelgan murğak gödak emin-erkin, bexavotir onasi bağrida ulğayişga haqli. Biroq... biroq, dunyodagi barça onalar ham farzandiga ana şunday baxtni bera olişga qodirmi?
Afsus va nadomatlar bölsinki, dunyoning turli hududlarida şaroitlar turliça, köz qaraşlar turliça. Ayrim davlatlarda yoşlar oila quriş, farzand körişni özlariga ortiqça taşviş, deya hisoblaşadi. Ayrim davlatlarda esa ota-onalar umid bilan dunyoga keltirgan farzandining qornini töyğaziş uçun hatto öz tanasining ayrim aʼzolarini sotişga ham majbur bölmoqdalar. Oddiygina bir misol: Yamanda har 10 daqiqada 5 yoşdan kiçik bir bola yomon şaroitda yaşagani, töyib ovqat yemagani uçun halok bölmoqda, deya habar beradi BMTning gumanitar masalalarni muvofiqlaştiriş boşqarmasi. Bu mamlakatda 19 mln.ga yaqin aholi ijtimoiy himoyaga muhtoj. 10 mln.dan ortiq odam noçorlikda, 8 mln.dan ortiq odam içimlik suvi tanqisligidan qiynalib yaşamoqda.
Dunyoning 22 davlatida yaşovçi 6 yoşdan 15 yoşgaça bölgan 25 mln.dan köproq bola qurolli ixtiloflar tufayli maktabga taʼlim olgani bora olmayapti.
Uzoqqa bormay, qöşni mamlakat – Afğonistondagi qança bolalarning naqadar oğir ahvolda, maktablarda öqib, ilm olişni faqat orzu qilib yaşayotganini esga olsak, yurtimizdagi tinç-osoyişta turmuşning, bolalar kelajagi uçun qilinayotgan ğamxörliklarning qadri neçoğlik buyuk ekanligini teranroq anglaymiz. Şunday qutluğ va jannatmakon yurtda tuğilganimizga qayta-qayta şukrona aytamiz.
Axir yurtimizda har yili bolajonlarimizning yayrab-quvnab ulğayişlari uçun qançadan qança maktabgaça taʼlim muassasalari, zamonaviy ilm fan asoslarini puxta egallaşlari uçun qançadan qança taʼlim maskanlari qurilayapti, mavjudlari taʼmirlanib, zamon talabiga moslaştirilayapti. Bu işlarga, onalik va bolalikni muhofaza qilişga qançadan qança mablağlar sarflanayapti. Ahil oilada soğlom farzandlarning dunyoga kelib, kamol topişi uçun barça şaroitlar yaratilayapti.
Onalik va bolalikni muhofaza qiliş borasida mamlakatimizda amalga oşirilayotgan işlarni mintaqamizdagi köpgina davlatlar namunaviy model sifatida qabul qilişayotganining öziyoq davlatimizning bu boradagi saʼy-harakatlari neçoğlik yuksakligini körsatadi.
Bolalar huquqlari bir qança qonun va qonunosti huquqiy-meʼyoriy hujjatlarda ham öz aksini topgan.
Baxtli bolalikdan mamnun-u masrur bolajonlarimizga har yili 1-iyun – Xalqaro bolalarni himoya qiliş kuni munosabati bilan alohida hurmat-ehtirom körsatiladi. Butun mamlakatimizda turli köngiloçar tadbirlar, bolalar tomoşalari taşkil etiladi, dunyoni bolalarga bergimiz keladi, göyo.
Boisi sen kulsang, dunyo kuladi, bolajon! Sening beğubor va şodon kulgularing dunyoni tutsin, tinçlik degan aziz neʼmatning qadrini olamga yoysin!
Oygul RAJABOVA.
(Foto - ÖzA)

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶