DILDA IFTIXOR BILAN
Mahalla – har birimiz uchun qadrdon goʻsha. Uning obodligidan, mahalladoshlarning biri-biri uchun qaygʻurib turishlaridan, birining ogʻiriga biri yelka tutib, quvonchlariga sherik boʻlishlaridan koʻnglim toshib ketadi. Ayniqsa, uyim-joyim, bolam, deb oilasiga talpinib turguvchi ayollarni, yosh qiz-u kelinchaklarni atrofiga toʻplab, oʻz hayot tajribalaridan saboq berguvchi nuroniy onaxonlarni aytmaysizmi?! Ular bobomeros urf-odatlarni, maʼnaviy qadriyatlarimizni oʻsib kelayotgan yosh avlodga yetkazishda haqiqiy ibrat maktablari! Momolarimizdan uy tutish, mehmon kutish, kelinlik odoblarini oʻrganayotgan qizjonlarimiz mahallamizning yuzi, obroʻsi!
Mana, oʻlkamizga bahorning ilk oyi – mart kirdi. Mart – bayramlar faslini boshlab kelayotir. Bahorning ilk kunlaridanoq mahallamiz ayol-qizlari 8-mart – Xalqaro xotin-qizlar kunini katta shodiyonalar bilan oʻtkazishga taraddud koʻrishdi. Yoshi ulugʻ momolar holidan xabar olish, ularni bayram bilan muborakbod etish har birimizning qalbimizga quvonch bagʻishlaydi. Mahallamiz hududidagi 55-sonli maktab oʻquvchilari tomonidan oʻtkazilgan adabiy-musiqiy tadbirda onajonlarimiz chin dildan yayradilar.
Izzatbek Matniyozov, Dinora Rahimboyeva, Kumushoy Jumanova, Javohir Shomurodov, Baxtiyor Sattorov, Yerlan Jumaboyev, Azamat Kenjaboyev, Jamshid Boltamurodov, Qahramon Ibragimov kabi mahallamizning sportchi yoshlari erishayotgan yutuqlar barchamizni ruhlantirdi. Yigʻin raisi sifatida mahallamiz xonadonlaridagi saranjom-sarishtalikdan, oʻzaro mehr-oqibatdan, mahalla ahlining mamlakatimizda roʻy berayotgan oʻzgarishlar, amalga oshirilayotgan islohotlarda faol ishtirok etayotganlaridan faxrlanaman.
Fursatdan foydalanib, jamiyatimizning faollari boʻlgan barcha aziz va muhtarama opa-singillarimizni, moʻʼtabar onaxonlarimizni 8-mart – Xalqaro xotin-qizlar kuni bilan samimiy tabriklayman. Tilagim, ayollarimiz hamisha omon, avlodlarimiz bardavom, mamlakatimizda tinchlik mangu boʻlsin!
Shukurjon XOLMURODOVA,
Oybek nomli MFY raisi.
(Foto - http://mahallagzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
