HAR BIR SÖZI IBRAT
Odatda biz iymon-eʼtiqodli, qalbi toza, ezgu fazilatlarga ega insonlarni fariştaga öxşatamiz, ularni juda fariştali odam, deya alqaymiz. Aslida ham insonning yuzidan uning qanday odam ekanligi sezilib turadi.
Qurbonbika momoni Manğitda, Çoyköl ovulida, Qipçoq ovulida tanimaydiganlar kam. Taniganlar fariştali momo, deya taʼriflaşadi.
U 1938-yilda "Çoyköl” ovulida tuğildi. 3 yoşida onasidan ayrilib, yetimlik azobini, davr maşaqqatlarini totib ösdi. Otasi Kamol Yusupov tilidan şukronasi tuşmaydigan, keng feʼlli odam edi. Ikkinçi jahon uruşiga ketib, şahid bölgaç, qizaloq ham ota, ham onadan ayrilib, dardlarini mehnat bilan yengdi. 12 yoşidan paxtaçilikdagi barça işlarda kattalar qatori mehnat qildi. 18 yoşida sobiq Engels nomli kolxozga kelin bölib tuşdi. Turmuş örtoği Safarboy Eşmurodov xöjalikda yer tuzuvçi, quriliş prorabi kabiturli lavozimlarda işladi.
1958-yilda "Qipçoq” va Manğit tumanlari birlaştirilgan vaqtda, ularning oilasi xizmatçilik yuzasidan Manğit şahrining hozirgi "Çordara” mahallasiga köçib kelişdi va turğun yaşab qolişdi.
Qurbonbika momo turmuş örtoği erta vafot etib ketganidan söng 8 nafar farzandni ham ona, ham ota bölib yölga soldi.
Hozir onaxonning öğil-qizlarining har biri alohida oila bölib, palak yoyişgan. Öğillari biri elektrik, biri mexanik, biri haydovçi bölib işlab, oilalarini oyoqqa turğizişdi. Biri çevar, biri tadbirkor, biri öqituvçi qizlar – kelinlardan ham köngli töq. Biroq sakson yoş ostonasidagi onaxonning ham öziga tan yumuşlari köp: "Çordara” mahalla fuqarolar yiğini, nevaralari öqiydigan maktablarda böladigan yiğilişlarda qatnaşadi, muhokama etilayotgan masalalarga öz munosabatini bildiradi, yoşlardan oila totuvligi, qöşniçilik munosabatlari-yu özaro hamjihatlikda yaşaş borasida maslahatlarini ayamaydi, özining, özi tengilarning boşidan keçirgan oğir kunlarini ibrat qilib aytib beradi, bugungiday dorilomon kunlarni qadrlaşga örgatadi. Goh Ahmad Yassaviy hikmatlaridan, goh boşqa alloma bobolarimizning ibratli sözlaridan keltiradi, özi esa hozir ham mutolaadan töxtamaydi. Suhbatdoş bölgan odam onaxonning zehniga, xotirasi kuçliligiga qoyil qolmay iloji yöq.
– Böş vaqt topsam, bekor ötirmay deb bolalarga tuşlik tayyorlab, uylarni yiğiştiraman. Axir kelin qaçon işdan kelib, bajaradi, deb ötirsam, unda qanday odam böldim?
Qurbonbika momoning öz hayotiy falsafasi bor: odam Yaratgan bergan umrda ezgu işlar qilib, heç kimga oğirini tuşirmay yaşaşi kerak. Bu qoidasiga amal qilgan onaxon hatto 2008-yilda muqaddas haj ziyoratiga borayotganida öğillarining Nukus aeroportiga kuzatişga çiqişiga ham ruxsat bermagan ekan.
– Köpgina qaynona bölgan ayollar endi kirimni kelin yuvib, ovqatimni oldimga olib kelib qöyişi kerak, deb hisoblaşadi, – deydi Qurbonbika momo kulib. – Aslida biz bandalarga berilgan umrning har lahzasining sörovi bor. Şunday ekan, har kim imkoniga yaraşa iş bilan maşğul bölişi kerak.
30 nafar nevara, 21 çevara diydoriga muşarraf bölgan fariştali momo bilan qança suhbatlaşmang, heç zerikmaysiz, har bir sözidan hayotiy hikmat topasiz, uzatilayotgan qizlarga yor-yor aytgandaku, eşitganning köngli sel böladi, nasihatlariga köpçilik yoşlar amal qilib yurişadi.
– Bugungiday hurzamonni salkam saksonga kirib, endi körayapman. Hamma öz uyida tinç, xotirjam, dasturxonida turli neʼmat. Yana el boşçilari, mahalla oqsoqoli turmuşingizda ne muammolar bor, deb xabar olib tursa, bundan ortiq maʼmur hayot, izzat-ikrom bölmasa-ov, odamga, – deydi momo şukrona bilan qöli köksida.
Aslida yurtimiz fayzi, fariştasi bölgan Qurbonbika momoday nuroniylarimiz har qança eʼzozu-ehtiromga loyiq.
Suratda: Qurbonbika momo Yusupova
nevarasi bilan.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶