KASB MASʼULIYaTINI ChUQUR ANGLAB
Mustaqillik yillarida taʼlim-tarbiya sohasiga qaratilgan ulkan eʼtibor tufayli yosh avlodga bilim asoslarini puxta oʻrgatish, ularning dunyoqarashini kengaytirish, maʼnaviy-axloqiy sifatlarni shakllantirishga erishilmoqda. Taʼlim-tarbiya jarayoniga koʻplab oʻzgartirishlar, yangicha yondoshuvlar tatbiq etilmoqda.
Pedagog kadrlarning uzluksiz malaka oshirib borishini taʼminlashda "Ustoz-shogird” anʼanasi juda ahamiyatlidir. Mazkur usulda oʻquv yili davomida amalga oshirilgan ishlar, ilgʻor tajribalar oʻrganilishi, eng bilimdon shogird tayyorlagan ustozlar tajribalarini almashish, oʻrganish taʼlim sifatining oshishiga xizmat qilmoqda.
Bizning maktabimizda ham yaratilgan sharoitlardan unumli foydalanib, samarali faoliyat olib borayotgan oʻqituvchilarimiz talaygina. Muassasamiz taʼlim sifati parametr koʻrsatkichlari boʻyicha reytingda tumanda beshinchi oʻrinni egalladi. Bu yutuqda frantsuz tili oʻqituvchilarining hissasi ayniqsa ulkan.
Ayni kunda nafaqada, keksalik gashtini surib yashayotgan, maktabimizning sobiq frantsuz tili oʻqituvchisi Qurol aka Safarboyev mahorat bilan dars berib, ularning koʻnglida oʻz kasbiga ixlos uygʻota olgan uch nafar oʻquvchisi hozir ustoz ishini qunt bilan davom ettirishmoqda. Jamila Haytakova – shularning biri. Uning maktabimizdagi oʻqituvchilik faoliyati 1996-yilda boshlangan.
Oʻqituvchi mahorati oʻquvchilarining fanni oʻzlashtirishida, erishgan yutuqlarida aks etadi. Jamila Haytakovaning oʻquvchilari 2012-2013 oʻquv yilida Bilimlar bellashuvining Oʻzbekiston bosqichi gʻolibi, 2013-2014 oʻquv yilida fanlar olimpiadasining Qoraqalpogʻiston bosqichi gʻolibi boʻlganligi uning oʻz faniga shogirdlarini qanchalik qiziqtira olganini va oʻzlashtirishlariga erishganini koʻrsatadi.
Qurol Safarboyevdan dars berish usullarini, bolalar koʻngliga yoʻl topish sirlarini chuqur oʻrgangan munosib izdoshlar frantsuz tili fani oʻqituvchilari Roza Yoʻldosheva va Munavvar Xolmurodovalardir.
Ulardan taʼlim-tarbiya olayotgan oʻquvchilar ham Bilimlar bellashuvi, fanlar olimpiadasi va boshqa turli koʻrik-tanlovlarda oʻzlarining salohiyati va fan asoslarini chuqur oʻzlashtirganliklari tufayli doimo gʻoliblar safida boʻlishmoqda.
Mamlakatimizda hech bir ezgu ish eʼtibordan chetda qolmaydi. Jamila Haytakova 2014-yilda "Oʻzbekiston Respublikasi xalq taʼlimi aʼlochisi” koʻkrak nishoni bilan taqdirlanganligi buning isbotidir.
Men ishonch bilan ayta olamanki, dunyoning hech bir burchagida bizning mamlakatimizdagidek oʻqituvchi, murabbiylik kasbi ulugʻlangan mamlakat yoʻq. 1996-yildan boshlab, har yili 1-oktyabr – Oʻqituvchilar va murabbiylar kuni umumxalq bayrami sifatida nishonlanishi yoʻlga qoʻyilganligi ham fikrimizning dalilidir.
Biz bundan faxrlanamiz va ana shunday yuksak eʼtiborga loyiq mehnat qilishga intilamiz.
Bekmurod
ShOMURODOV,
22-sonli maktab direktori.
(Foto: http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
