XIRMONIMIZ YuKSAK BOʻLDI
"Toʻlqin” ovuli hududidagi bizning "Ahmedov Rajabboy” fermer xoʻjaligimizda koʻklamda 27 gektar yerga paxta urugʻi ekilgan edi. Ishchilarimizning ezgu niyatlar bilan qilgan fidoyi mehnatlari natijasida gʻoʻzalarimiz hosildor boʻlib yetildi.
Avgust oyi ikkinchi yarmida qiygʻos boʻlib ochilgan paxtalarni terishni boshladik. Hududimizdagi ish bilan band boʻlmagan, vaqtincha ishsiz aholi xoʻjaligimiz aʼzolariga yordamga kelishdi. Natijada sentyabrning ilk kunlaridayoq paxta topshirish yillik shartnomaviy rejamizni oshirib ado etdik.
Hosil yigʻim-terimida ayniqsa Sanam Nurimova, Sevara Abdullayeva, Sabohat Abdullayeva, Nargiza Durdiyevalarning gʻayrat-shijoati maqtovga loyiq boʻldi. Ular ayni kunda ham 130-135 kilogrammdan paxta terishga erishmoqdalar.
Ayni kungacha rejadagi 58 tonna oʻrniga 75 tonnadan ziyod yuqori navli paxtani davlatimiz xirmoniga topshirdik.
Xoʻjaligimizda paxtadan boshqa qishloq xoʻjalik ekinlaridan ham moʻl hosil yetishtirib, rejalarimizni ado etdik. 5 gektar maydonga kuzgi bugʻdoy ekib, tekis nihol undirib olishga erishdik.
Dehqonchilikdagi hech bir yutuqqa osonlikcha erishilmaydi. Ayniqsa paxta mehrtalab, parvarishtalab oʻsimlik. Undan koʻzlanganidan ham yuqori hosil yetishtirib, yigʻib-terib davlatga topshirib, yillik rejani ortigʻi bilan ado etgan tumanimiz paxtakorlariga, yigʻim-terim mavsumida ularning tashvishiga yelka tutib, koʻmakdosh boʻlgan barcha hasharchilarga erishilgan gʻalaba muborak boʻlsin, deyman.
Sherzod AHMEDOV,
"Ahmedov Rajabboy” fermer xoʻjaligi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
