SIZ HAMIShA YuRAGIMIZDA YaShAYSIZ
Muhtaram Yurtboshimizning vafoti butun xalqimiz qatori yoshlarni ham chuqur qaygʻuga soldi. Bolalarga "Vatanimiz kelajagi” deya umid bilan qarab, ularga ulkan gʻamxoʻrliklar koʻrsatgan aziz va moʻʼtabar inson – Prezidentimiz Islom Karimovni yoʻqotish murgʻak qalblarni ham larzaga keltirdi.
Sevara ANVAROVA, Amudaryo akademik litseyi oʻquvchisi:
– Bu judolikni koʻtarish xalqimiz uchun ogʻir boʻlyapti. Nahotki mustaqilligimizning 25 yillik toʻyini siz bilan birga oʻynab-kulib nishonlash nasib etmadi? Axir siz bizga kerak edingiz-ku. "Bolalarim” degan soʻzingizdan qanchalar kuch olishimizni bilsangiz edi. Biz chindan ham sizning farzandlaringizmiz va hamisha sizga munosib boʻlishga intilib yashaymiz.
Otajon! Bizga mustaqillikni hadya qilganingiz uchun rahmat! Xalqimizni oʻzingizdan-da ziyoda koʻrganingiz uchun rahmat!
Biz, albatta siz tanlagan yoʻldan boramiz, mustaqilligimizni hech kimga berib qoʻymaymiz.
Sarvinoz QUVVATOVA, Amudaryo akademik litseyi oʻquvchisi:
– Oʻzbek xalqi juda ogʻir judolikni boshidan oʻtkazayapti. Sababi, boshimiz uzra soyabon boʻlib turgan mehridaryo, vatanparvar Yurtboshimizdan ayrildik.
Prezidentimiz Islom Karimov oʻz umrini xalqiga baxshida etib, yurtimizni misli koʻrilmagan darajada oʻzgartirib, yuksaltirishga erishdilar. Sobiq imperiya davrida xarobalarga aylanib ulgurgan muqaddas qadamjolarimiz qayta taʼmirlandi. Buning natijasida yurtimizni dunyo tanidi.
Prezidentimiz oʻz nutqlaridan birida: "Men hech narsadan qoʻrqmayman, chunki mening mehnatkash va ertangi kunga ishonchi baland xalqim, oʻqish va izlanishdan hech qachon tolmaydigan iqtidorli avlodlarim va bizga qilgan ishlari bilan kuch berib turuvchi ajdodlarim bor”, degan edilar. Ha, biz shunday kelajagi buyuk xalqmiz va bundan keyin ham shunday buyuk boʻlib qolajakmiz. Oxiratingiz obod boʻlsin, xalqimizning mehridaryo va vatanparvar Otasi!
Nafosat TURSUNBOYeVA, Mangʻit iqtisodiyot kolleji oʻquvchisi:
– Muhtaram Yurtboshimizning Oʻzbekiston yoshlari hech kimdan kam emas, deya taʼkidlashlari bizni gʻururlantiradi. Bunday buyuk, jasur insonning farzandlari ekanmiz, biz har doim marrani baland olib, faqat va faqat oldinga talpinishga, ruhini shod etishga intilamiz.
Yurtboshimizning ishonchlarini oqlaymiz, ularga munosib farzand boʻlib, yurtimiz bayrogʻini yanada baland choʻqqilarga koʻtaramiz. Ularni doimo xotiramizda mehribon otamiz sifatida saqlaymiz.
(Foto - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
