FUQARONING BUZILGAN HUQUQI TIKLANDI
Mustaqillik yillarida mamlakatimizda fuqarolarning qonuniy manfaatlarini himoya qilish, munosib mehnat sharoitlarida ishlash, keksayganida nafaqaga chiqishiga ulkan gʻamxoʻrliklar qilinmoqda.
Qoraqalpogʻiston Respublikasi Adliya vazirligining Inson huquqlarini himoya qilish boʻlimi tomonidan fuqarolarning buzilgan huquqlarini tiklash borasida qator ishlar amalga oshirilmoqda.
Xususan, Qoraqalpogʻiston Respublikasi Adliya vazirligiga 2016-yil 5-aprel kuni Nukus shahri J.Oʻrinbayev koʻchasi, 126-uyda yashovchi fuqaro J.Qayipovning Byudjetdan tashqari pensiya jamgʻarmasi Nukus shahar boʻlimi tomonidan yoshga doir imtiyozli pensiyaga chiqarilmagani uchun norozilik bildirib yozgan murojaati koʻrib chiqildi.
Byudjetdan tashqari Pensiya jamgʻarmasi Qoraqalpogʻiston Respublikasi boshqarmasi tomonidan fuqaro J.Qayipovga ishlayotgan Respublika Vabo, karantin va oʻta xavfli yuqumli kasalliklar profilaktikasi markazi Qoraqalpogʻiston Respublikasi filialining Oʻzbekiston Respublikasi Adliya vazirligi tomonidan 1996-yil 28-maydagi 247-son bilan roʻyxatga olingan "Mehnat sharoitlarini baholash va mehnat sharoitlari boʻyicha ish oʻrinlarini attestatsiya qilish” uslubi talablariga asosan attestatsiya xulosalarining yoʻqligi sababli, yoshga doir imtiyozli pensiya tayinlanmaganligi bildirildi.
Oʻrganish jarayonida attestatsiya xulosalarining yoʻqligi uchun fuqaro J.Qayipov aybdor emasligi aniqlandi.
Oʻrganilgan holatlar yuzasidan Qoraqalpogʻiston Respublikasi Adliya vazirligi tomonidan Nukus tumanlararo fuqarolik ishlari boʻyicha sudiga fuqaro J.Kayipovning manfaatini koʻzlab, Byudjetdan tashqari pensiya jamgʻarmasi Nukus shahar boʻlimining 2016-yil 12-fevraldagi 1/294-sonli qarorini xaqiqiy emas, deb topish va fuqaro J.Qayipovga yoshga doir imtiyozli pensiya tayinlash majburiyatini yuklash toʻgʻrisida daʼvo ariza kiritildi. Kiritilgan daʼvo ariza sud tomonidan qanoatlantirilib, Byudjetdan tashqari pensiya jamgʻarmasi Nukus shahar boʻlimining 2016-yil 12-fevraldagi 1/294-sonli qarori haqiqiy emas, deb topildi va fuqaro J.Qayipovga yoshga doir imtiyozli pensiya tayinlash majburiyati yuklatilib, fuqaroning buzilgan huquqlari tiklandi.
Jenis Dosimbetov,
Qoraqalpogʻiston Respublikasi Adliya vazirligining Inson huquqlarini himoya qilish boʻlimi bosh maslahatchisi
(Foto - http://diyonat-press.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
