LOQAYDLIKKA ChEK QOʻYaYLIK
Qadimdan ota-bobolarimiz milliy urf-odatlarimizni, madaniyatimizni juda yuqori darajada qadrlab kelishgan. Ammo bugunga kelib sharq xalqlarining Gʻarb davlatlaridan farqini topish qiyinlashib ketmoqda. Bunga ayniqsa yoshlarni misol qilib olsak, mubolagʻa boʻlmaydi. Chunki baʼzi yoshlarimiz maʼnaviyat nima, madaniyat nima ekanligini unutib qoʻyishgan. Milliy qadriyatlarimizni hurmat qilib, qadrlayotgan yoshlarimiz ham bor, albatta. Ammo ular orasida befarq yoshlar borligi achinarli hol.
Hozirgi globallashuv jarayonida ommaviy madaniyatni targʻib etuvchi internet saytlari milliy qadriyat va anʼanalarimizni unutgan yoshlarning vaqtini oʻtkazishi uchun moʻljallangan dasturlar bilan toʻlib-toshgan. Internetdan toʻgʻri foydalanayotgan bilimli, tafakkuri yuksak yoshlarimiz ham talaygina.
Barcha narsalarning ikki tomoniboʻlganidek, internetning ham ijobiyva salbiy taraflaribor. Befarq, hech narsaga sogʻlomfikr bilan qaramaydigan yoshlarimizni nimadeyishimiz mumkin? Ularni inson deya olamizmi oʻzi?
Milliy urf-odat, qadriyatlarimiz zamirida qancha maʼno-mazmun mujassam. Birgina salomlashib, soʻrashishimiz bizning qanday insonligimizni koʻrsatib beradi. Yurish-turishimiz, muomalamiz, xulqimiz kimlarning izdoshlari ekanligimizni koʻrsatadi. Bugungi kunga kelib baʼzi yoshlar odob-axloq nima, madaniyat nima ekanligini gʻarb davlatlaridan oʻrganishmoqda. Axir bu bizning maʼnaviyatimizga xos narsa emas. Axir biz Alpomish va Barchinoylar avlodimiz.
Bilimli, uddaburon yoshlarimiz esa har bir ishga masʼuliyat bilan yondoshib, koʻplab yutuqlarga erishmoqda. Bizlar ham shunday yoshlar safiga kirib, ulardan oʻrnak olib, bor kuch-gʻayratimizni namoyon qilishni oʻz oldimizga maqsad qilib qoʻymogʻimiz kerak. Oʻziga ishongan, sogʻlom fikrli yoshlar safi kengayar ekan, axloqsiz, bilimsiz yoshlar safi qisqarishi tayin. Bunga esa kuchli iroda va ishonch zarur. Bular esa bizlarda mujassam. Aziz tengdoshlar, loqaydlikka chek qoʻyish vaqti keldi. Hammamiz hamjihat boʻlib, oʻz Vatanimiz oldidagi burchimizni halol yoʻl bilan bajarishimiz shart.
Nafosat TURSUNBOYeVA,
Oybek nomli mahalla.
(Foto - http://www.uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
